醉和里

Open Now

Now Closed

一班同事OT完都係想輕鬆下，醉和里成為第二次OT之選，貪佢味道不死鹹，蔬菜新鮮，這個雜菜粉絲煲真是要讚，一上台我已經聞到果陣菜青的味道，點知同事一食就話d菜好青，好新鮮，不是菜頭菜尾求其煮埋一煲，而且整煲菜一點都唔油，甚至係滴水出來，暫時係我食過最好食的雜菜粉絲煲！滷水鵝夠滑，汁唔會死鹹！粉絲蒜蓉開邊蒸蝦非常惹味，粉絲索曬d汁連同蝦一齊入口，簡直享受！啫啫滑雞煲，雞沒有太厚粉，個汁唔會勁鹹，食完唔會口渴！最後就是胡椒豬肚湯，是夜寒流，整個熱辣辣胡椒湯，即刻暖入心，湯夠胡椒味，只是覺得酸菜鹹咗小小，但是爽口搭夠，食了不少！整體來講，呢間大排檔的味道最得我歡心，現在多數都係味精多，汁鹹，菜油，食完勁口渴狂飲水，希望保持水準！