Video
Read full review
2023-02-06
206 views
金麥泰泰國菜館 🛕係九龍城基本上每條街都有泰國菜，見呢間泰國餐廳招牌幾有年代感🪔 望真啲見門口有張泛黃嘅雜誌報導📰 原來老店係1990年已經開業，由泰國華僑擔任大廚👩🏽🍳 相信可以係競爭激烈嘅九龍城中穩住陣腳30幾年嘅老字號，一定有其過人之處😎芝士蝦丸 🍤原本係諗住叫蝦餅，但見到張相呢個芝士蝦丸又幾吸引🤪 蝦膠釀左芝士，彈牙又脹卜卜，寓意「金球滾滾」迎接新一年🧧泰式燒豬頸肉 🐖豬頸肉係食泰菜不可或缺嘅小食，軟滑爽彈嘅口感真係好好食😭 重點係要配埋惹味開胃嘅酸辣汁🌶 而伴碟嘅切片蕃茄同青瓜好有舊式餐廳嘅回憶🥒泰式濕炒雞肉河 💦去食泰國野必嗌嘅泰式炒粉麵就非pad thai莫屬，今日麻麻地想食酸酸辣辣嘅，所以揀左平時嘅no.2 - 濕炒河💦 濕炒河粉通常都可以自選肉類 - 豬牛豬或者海鮮等配料🦐河粉同醬汁都份量充足，好飽肚👍🏽 醬汁味濃，質感黏滑，闊身嘅河粉順滑，唔會話炒完仲係痴埋一疊疊咁🗞 吸收晒濃味嘅醬汁後，唔會太濕又唔太油膩😋 配料種類好多，有芥蘭、椰菜、西蘭花、椰菜花、紅蘿蔔同秀珍菇🥕泰式馬拉盞通菜 🥬通菜新鮮爽脆，炒得好夠獲氣！馬拉盞鹹香中帶少少辣，唔會話好重味精，非常惹味🔥芒
係九龍城基本上每條街都有泰國菜，見呢間泰國餐廳招牌幾有年代感🪔 望真啲見門口有張泛黃嘅雜誌報導📰 原來老店係1990年已經開業，由泰國華僑擔任大廚👩🏽🍳 相信可以係競爭激烈嘅九龍城中穩住陣腳30幾年嘅老字號，一定有其過人之處😎
12 views
0 likes
0 comments
芝士蝦丸 🍤
芝士蝦丸
$78
9 views
0 likes
0 comments
原本係諗住叫蝦餅，但見到張相呢個芝士蝦丸又幾吸引🤪 蝦膠釀左芝士，彈牙又脹卜卜，寓意「金球滾滾」迎接新一年🧧
泰式燒豬頸肉 🐖
泰式燒豬頸肉
$82
7 views
0 likes
0 comments
豬頸肉係食泰菜不可或缺嘅小食，軟滑爽彈嘅口感真係好好食😭 重點係要配埋惹味開胃嘅酸辣汁🌶 而伴碟嘅切片蕃茄同青瓜好有舊式餐廳嘅回憶🥒
泰式濕炒雞肉河 💦
泰式濕炒雞肉河
$58
3 views
0 likes
0 comments
去食泰國野必嗌嘅泰式炒粉麵就非pad thai莫屬，今日麻麻地想食酸酸辣辣嘅，所以揀左平時嘅no.2 - 濕炒河💦 濕炒河粉通常都可以自選肉類 - 豬牛豬或者海鮮等配料🦐
河粉同醬汁都份量充足，好飽肚👍🏽 醬汁味濃，質感黏滑，闊身嘅河粉順滑，唔會話炒完仲係痴埋一疊疊咁🗞 吸收晒濃味嘅醬汁後，唔會太濕又唔太油膩😋 配料種類好多，有芥蘭、椰菜、西蘭花、椰菜花、紅蘿蔔同秀珍菇🥕
泰式馬拉盞通菜 🥬
泰式馬拉盞通菜
$52
2 views
0 likes
0 comments
通菜新鮮爽脆，炒得好夠獲氣！馬拉盞鹹香中帶少少辣，唔會話好重味精，非常惹味🔥
芒果糯米飯 🥭
芒果糯米飯
$55
12 views
0 likes
0 comments
平時我嘅去餐廳嗌嘢食都係叫咗主菜先再諗甜品，但今次係未打開menu已經諗好要叫芒果糯米飯🫣 黑白糯米兩款都有🐼 口感軟糯唔黏口，啖啖滲滿椰香🍙 香滑又帶少少鹹味嘅椰漿，配埋清甜嘅芒果，非常滿足😬
椰青 🌴
青檸梳打 🫧
椰青 青檸梳打
$32
4 views
0 likes
0 comments
兩款非常清甜解渴嘅飲品🧉 $32一個椰青同喺街買咗返屋企自己開價錢都差唔多🫢
上菜速度好快，碟碟都熱辣辣💨 $50左右就有一碟，真係良心價😭加一後人均$200左右，已經食到好飽，除左新春期間，平時仲要係唔洗加一，非常抵食😱
Post
