Glasshouse (太古城中心) (Closed)

朋友約此餐廳晚飯，順便傾下下個月旅行事，餐廳夠靜環境唔錯，到步已見到頗多人，服務員帶我們行入內還有地方，原來都唔細，坐的也舒服輕鬆。椰王雞尾酒椰殼盛載著雞尾酒，酒中還帶點咖啡苦澀味道，matching得唔錯。酥炸軟殼蟹配凱撒沙律流心蛋舖在沙律面嘅原隻軟殼蟹夠大隻，酥脆而香口，沙律菜新鮮不帶半點苦，流心蛋的流心狀很吸引，味道不錯。慢煮12小時八珍甜醋牛肋骨牛肋骨的肉入口即溶，完全係12小時烹調的效果，口感與平時煎的牛扒確實不同，基本上不用點啃，而且配上八珍甜醋又是另一特色，跳出傳統八珍甜醋配豬腳薑嘅框框，而且沒有違和感，再以包夾住食，又是另一種食法，不錯。香草梳乎厘 大大個月餅好似好澎湃不過入面係空氣，所以頂住個肚都可以食曬，梳乎厘軟綿綿搭上香草芳香，好快K0晒。今晚同朋友飲特色飲品，酒精不强烈更易投入氣氛，乾一乾杯再傾下嚟緊旅行事，期待精彩之旅。