楚撚記大排檔 (日富里百好大廈)

Open Now

Now Closed

今日同朋友去開西環，見到有間新式嘅大排檔，比傳統嘅大排檔乾淨，同埋裝修上都設計得特別有心思，就係呢間楚撚記。佢長期都滿座，生意非常之好，我諗最好都要有訂枱先過嚟食，比較穩陣。蜜椒薯仔牛柳粒 $98薯仔炸得香脆，食落有一種蜜糖嘅甜味喺表面，內裏嘅薯仔味好香，牛柳粒份量都幾多，整體嘅賣相亦都唔錯，用嚟送飯一流。避風塘鮮魷 $95鮮魷食得出幾新鮮，炸蒜用得非常之多，鮮魷同炸蒜嘅配搭天衣無縫。豆漿杞子鮮腐竹浸時蔬 $78我哋就揀咗用菠菜做蔬菜底，配上豆漿同腐竹，菜煮出後好鮮甜，自己都忍唔住將豆漿湯底飲埋。白飯(碗）$12最後仲有免費甜品送，有蕃薯糖水或者清補涼揀，抵食。