Video
Read full review
2022-05-14
115 views
深水埗一向多好嘢食,但想搵間乾淨企理又坐得舒服嘅,除咗打卡cafe就唔多~今次喺地鐵站附近見到間主打車仔麵同餃子嘅店,睇落幾新淨光猛就去試下啦~呢度嘅車仔麵餸超多選擇,而且好多款都好吸引,真係叫個十寶都不為過!老闆話呢度最出名係牛三寶同埋餃子,一直掙扎於牛腩定牛筋,最後揀咗牛腩同兩款餃子~牛腩燘得好入味,湯底都係腩汁就更香濃~而且啲牛腩燘得好冧,有啲咬口但咬兩三下就會爛,唔會卡實晒喺牙縫~餃子揀咗白菜餃同粟米餃,個人覺得白菜餃好食啲,因為白菜切得比較大塊,咬落仲有爽口嘅感覺~餃子皮比出面食嘅厚一點,而且幾煙韌,食得出係手工製唔係買返嚟嘅雪餃子~本來諗住普普通通嘅蕃茄炒蛋飯,但個蛋炒得好香,加埋個味道做得好好~唔會太甜或者太酸,連我唔喜歡汁撈飯嘅人都鍾意~而且最重要係個芡汁唔會太重手一pat pat呀!如果喜歡呢度嘅手工餃子,仲可以買生餃帶返屋企添!一打都只係28蚊,價錢非常親民~以後去深水埗想食簡單啲,但又想坐得舒服啲就有另一個選擇啦~
今次喺地鐵站附近見到間主打車仔麵同餃子嘅店,睇落幾新淨光猛就去試下啦~
呢度嘅車仔麵餸超多選擇,而且好多款都好吸引,真係叫個十寶都不為過!
老闆話呢度最出名係牛三寶同埋餃子,一直掙扎於牛腩定牛筋,最後揀咗牛腩同兩款餃子~
牛腩燘得好入味,湯底都係腩汁就更香濃~
而且啲牛腩燘得好冧,有啲咬口但咬兩三下就會爛,唔會卡實晒喺牙縫~
牛腩
7 views
0 likes
0 comments
餃子揀咗白菜餃同粟米餃,個人覺得白菜餃好食啲,因為白菜切得比較大塊,咬落仲有爽口嘅感覺~
餃子皮比出面食嘅厚一點,而且幾煙韌,食得出係手工製唔係買返嚟嘅雪餃子~
三餸車仔麵
$42
1 views
0 likes
0 comments
本來諗住普普通通嘅蕃茄炒蛋飯,但個蛋炒得好香,加埋個味道做得好好~
唔會太甜或者太酸,連我唔喜歡汁撈飯嘅人都鍾意~
而且最重要係個芡汁唔會太重手一pat pat呀!
蕃茄炒蛋飯
$45
2 views
0 likes
0 comments
如果喜歡呢度嘅手工餃子,仲可以買生餃帶返屋企添!
一打都只係28蚊,價錢非常親民~
以後去深水埗想食簡單啲,但又想坐得舒服啲就有另一個選擇啦~
Post
