Video
1-min walk from Exit D2, Sham Shui Po MTR Station
continue reading
Payment Methods
Above information is for reference only. Please check details with the restaurant.
今日打算喺深水埗食個光速餐，就隨意入咗呢間之前未試過嘅真珍記。呢度其中一個主打係車仔麵，亦有佢哋嘅自家製餃子。我哋首先點咗兩碗車仔麵。佢嘅粗麵比較厚身，有啲似台灣牛肉麵嘅面條。鮑汁花菇煮得入味。柱侯牛肚夠腍。而另一碗車仔麵就揀咗米線，米線屬於比較腍身嘅質地。鮑汁花膠有微微嘅鮑汁味，而且仲有膠質。秘製牛腩都係用柱侯醬煮食，夠晒入味。既然餃子都係佢哋嘅招牌菜，我就揀咗雙拼煎餃。小店比較不拘小節，因為係自家製，所以睇得出每隻都唔同。我就有強迫症，經本人幫佢整齊排列之後，就能夠分辨出鮮肉粟米餃同鮮肉韭菜餃，煎餃夠晒火候。餃子味道係唔錯，外賣生餃仲好經濟實惠，下次屋企打邊爐可以考慮幫襯下。
continue reading
《新開張抵食車仔麵🍜》———————————————-#真珍記 😝-深水埗出名多嘢食，尤其有唔少貼地嘅嘢食，喺福華街裡面就有呢間車仔麵，聽店主講佢哋係太子新搬過嚟，價錢親民，好抵食，啱晒街坊👍🏻-麵底、湯底、餸菜、醬汁全部都有得揀，種類非常多元，特別抵食，用料豐富，簡直係糧尾恩物💰雖然餐牌上面有十餸麵呢啲抵食之選，但我哋唔算好餓就share咗個三餸車仔麵，估唔到仍然超飽肚😝-秘製牛腩筋肉分明、口感豐富，秘製豬手炆得好淋，而鮑汁花膠嘅份量毫不吝嗇，充滿骨膠原🧡粗麵嘅麵質彈牙、有咬口，同沙嗲汁沙底好夾～- 小店主打嘅招牌餃子都好唔錯，鮮肉韭菜煎餃自家製作，煎得好香脆，原來餐廳仲有生餃提供，都係$28起一打，可以買返去自己整過口癮🤤-⭐ 參考價錢︰三餸車仔麵：$42鮮肉韭菜煎餃：$35/8隻凍檸茶： $15忌廉： $7🍌 抵deal 指數：7/10💰 人均消費：$50
continue reading
.📍真珍記 📍香港深水埗福華街128號地下A號舖紅腸+雲吞+台灣腸米粉(42hkd)聽聞咖喱湯很不錯，選了小辣，湯底惹味，米粉很掛湯，和咖喱湯底好夾，雲吞裏面有包雲耳，吃起來很爽脆，紅腸和台灣腸都有煎香過，感受到準備得很認真🥰秘製牛腩+白菜🥬餃+龍蝦🦞丸河粉(42hkd)同樣選了咖喱湯中辣🌶，湯底明顯濃很多，可以吃辣的朋友推薦中辣至大辣👍🏻白菜餃皮薄足料，用料新鮮，白菜有爽脆的口感，肯定不是預先整定放超耐那種，牛腩份量也不少，炆得很軟，不錯不錯🥰餐廳還有自製生餃(28hkd)賣，價錢都比較親民，比超市買新鮮好多而且都足料🥰#foodiblum港式
continue reading
深水埗一向多好嘢食,但想搵間乾淨企理又坐得舒服嘅,除咗打卡cafe就唔多~今次喺地鐵站附近見到間主打車仔麵同餃子嘅店,睇落幾新淨光猛就去試下啦~呢度嘅車仔麵餸超多選擇,而且好多款都好吸引,真係叫個十寶都不為過!老闆話呢度最出名係牛三寶同埋餃子,一直掙扎於牛腩定牛筋,最後揀咗牛腩同兩款餃子~牛腩燘得好入味,湯底都係腩汁就更香濃~而且啲牛腩燘得好冧,有啲咬口但咬兩三下就會爛,唔會卡實晒喺牙縫~餃子揀咗白菜餃同粟米餃,個人覺得白菜餃好食啲,因為白菜切得比較大塊,咬落仲有爽口嘅感覺~餃子皮比出面食嘅厚一點,而且幾煙韌,食得出係手工製唔係買返嚟嘅雪餃子~本來諗住普普通通嘅蕃茄炒蛋飯,但個蛋炒得好香,加埋個味道做得好好~唔會太甜或者太酸,連我唔喜歡汁撈飯嘅人都鍾意~而且最重要係個芡汁唔會太重手一pat pat呀!如果喜歡呢度嘅手工餃子,仲可以買生餃帶返屋企添!一打都只係28蚊,價錢非常親民~以後去深水埗想食簡單啲,但又想坐得舒服啲就有另一個選擇啦~
continue reading
雖然門口寫住車仔麵店，但見到姐姐係門內包餃子，好似幾新鮮就諗住試下*鮮肉韭菜餃子＋ 鮮肉粟米餃子 🥟 $38/10隻 (煎餃 +$2 雙拼 +$2) 即叫即煎，所以都要預返10-15分鐘⏰ 外皮兩邊煎得微微金黃，夾起偏軟身， 估唔到一咬爆曬肉汁， 而且好薄皮， 裏面仲用新鮮粟米🌽， 食落好清甜*炸雲吞 $38/10隻裏面係木耳豬肉， 咬落外皮夠薄脆 *豬雜烏冬🍜 $38 豬潤、豬耳、豬粉腸餸嘅份量剛剛好， 每款餸切得好幼細，相對口感較細膩 牛雜🐗 $30(細) 都算入味， 牛腩偏瘦，唔會太油膩， 蘿蔔就幾清甜無渣 另外我見車仔麵都有$50/ 8餸 ， 一次過可以試曬好多款， 呢個價值可以考慮一試
continue reading