牛牛日式火鍋放題 (海之戀商場) (Closed)

荃灣海之戀越開越多餐廳食肆，今日就嚟食牛牛嘅60分鐘午市放題套餐。澳洲產長期穀飼牛放題套餐$178，包左三款牛肉、一款羊肉、一款豚肉。餐廳環境好寬敞，望海景，食物選擇好多，連平時食唔到嘅火鍋配料呢度都有，例如秋葵、羽衣甘藍等。湯底叫咗骨膠原豬骨鍋同日式麻辣鍋。麻辣鍋唔算辣汽水同各式茶飲都有！雪糕令我好驚喜嘅係任食Movenpick同埋Oreo雪條！我自己都食咗兩條雪條！肚餓嘅都有咖喱飯食！醬料區滿足晒所有人！你講得出嘅醬料呢度都有提供！整體來講，食物質素算高質，環境乾淨企理，好多特色嘢呢度都有得食，就算係火鍋配料定甜品區都令人有驚喜，性價比高！