Video
Read full review
2024-03-15
430 views
又想食酸菜魚 又想任食打邊爐個心成日十五十六揀唔定於是就比朋友帶咗嚟呢間旺角嘅鹿鼎記佢話佢有得食酸菜魚或者雞煲然後再揀湯底打邊爐而且佢嘅食材打邊爐配料都好優質價錢亦都好實惠 主要有三個套餐所揀而今日我哋就揀咗中價位嘅堂主餐如果想食埋刺身 就可以揀爵爺餐呢度每一個座位都好有私隱 大部份都係卡位而且仲有房提供比20幾人一齊食牆上面亦都掛咗電視 可以一路睇電視一路打邊爐 佢任食區就起舖頭最尾 唔會話食食吓嘢隔離有好多人不停徘徊而且夠集中夠乾淨 所有食材都用膠盒裝住蓋好蓋 非常之乾淨衛生而菜都一碗碗咁雪起雪櫃 保持新鮮度除咗自助區果汁同茶類飲品 亦都有得order啤酒紅酒一嚟到食咗酸菜魚先佢都幾大碟 亦都有萵筍寬粉花生苗等配料個湯好清好易入口令人開胃 魚肉片大大塊 唔會碎濕濕而且生熟程度啱啱好 又滑又啖啖肉同起啲食酸菜魚嘅專門店食 冇分別之後小食 上咗炸子雞同埋枝豆雞皮炸得又靚又脆 雞肉唔會乾柴咬落仲有汁 肉質又嫩滑真係估唔到咁多嘢食 邊爐湯底叫咗個比較特別嘅海皇海鮮湯湯入邊已經有五六隻大蝦 一路打邊爐一路煮啲蝦嘅味出嚟所以個湯全程都好有鮮味但又唔會喧賓奪主肉類先order安格斯精修肥牛安格斯
個心成日十五十六揀唔定
於是就比朋友帶咗嚟呢間旺角嘅鹿鼎記
佢話佢有得食酸菜魚或者雞煲
然後再揀湯底打邊爐
而且佢嘅食材打邊爐配料都好優質
價錢亦都好實惠 主要有三個套餐所揀
而今日我哋就揀咗中價位嘅堂主餐
如果想食埋刺身 就可以揀爵爺餐
呢度每一個座位都好有私隱 大部份都係卡位
而且仲有房提供比20幾人一齊食
牆上面亦都掛咗電視 可以一路睇電視一路打邊爐
佢任食區就起舖頭最尾 唔會話食食吓嘢隔離有好多人不停徘徊
而且夠集中夠乾淨 所有食材都用膠盒裝住蓋好蓋 非常之乾淨衛生
而菜都一碗碗咁雪起雪櫃 保持新鮮度
除咗自助區果汁同茶類飲品 亦都有得order啤酒紅酒
一嚟到食咗酸菜魚先
佢都幾大碟 亦都有萵筍寬粉花生苗等配料
個湯好清好易入口
令人開胃 魚肉片大大塊 唔會碎濕濕
而且生熟程度啱啱好 又滑又啖啖肉
同起啲食酸菜魚嘅專門店食 冇分別
之後小食 上咗炸子雞同埋枝豆
雞皮炸得又靚又脆 雞肉唔會乾柴
咬落仲有汁 肉質又嫩滑
真係估唔到咁多嘢食
邊爐湯底叫咗個比較特別嘅海皇海鮮湯
湯入邊已經有五六隻大蝦
一路打邊爐一路煮啲蝦嘅味出嚟
所以個湯全程都好有鮮味
但又唔會喧賓奪主
肉類先order安格斯精修肥牛
安格斯牛板翼
伊比利亞黑毛豬
肥牛係高質嘅 食落口有肉味之餘唔會太肥
牛板翼必點 牛味重但又唔肥 入口又淋
黑毛豬 好有豬味 但又好似啲肥牛咁腍 比起其他豬腩片好食
另外亦都叫咗啲海鮮
有特別嘅魚標 咬落爽口
貝類有沙白 吐沙吐得好乾淨 而且大大粒
蝦就都算大隻 蝦肉新鮮彈牙
廣島蠔 夠Creamy
仲有啲手打蝦丸墨丸
唔好睇佢細細粒 但全部都有蝦肉或者墨魚粒
淥完之後又係一粒好彈牙好有蝦味嘅丸
任食區有好多特別嘅食材自己夾
主要試咗幾款
黑松露豬肉丸 咬落好大浸黑松露味 冇花冇假
麻辣牛丸 有少少似麻辣味嘅湯再加少少牛肉味咁
芫荽豬肉餃 好有芫荽味冇令人失望
雲吞 咬到好大粒蝦肉
水魷 煮熟之後唔會話收水收得好勁 食落實而彈牙
呢度嘅午餐肉仲要係厚切 口感都比平時好
飲品仲有自家製嘅竹蔗茅根 唔會話好甜 好值得飲 而且仲有冷泡茶
呢間任食邊爐 真係又多嘢食 又乾淨衛生
一定會再翻兜
Post
