Video
Read full review
2022-07-04
2406 views
自己一路都好鍾意去大美督，去大美督，都係食開泰國嘢，始終大美督出名嘅都係泰國嘢；但今次我就選擇去一間由五星級酒店嘅廚師開嘅餐廳，你嘅餐廳雖然有啲不起眼，但係食物來講，就好出色。我哋選擇左另一個套餐，兩個人食，買單$1000左右；餐前開胃小點 Amuse Bouche，係一塊西班牙火腿，以微鹹作為開胃小食。之後就係法包同蔥油餅，法包搽上左餐廳特別調製嘅蒜蓉牛油，非常香；另外蔥油餅亦都薄得非常香脆，亦都可口；之後就係配上自家製蛋黃醬嘅炸蟹球，成個蟹球都係蟹肉，用料充足。由於餐廳當天沒有龍蝦湯供應，所以就轉左黑松露菌湯，湯除左Creamy之外，亦都飲得出有酒味，都幾好飲。再之後就到西班牙嘅豬扒，佢喺度整豬扒嘅特色之處係將一層厚芝士溶化左係豬扒嘅外層，令到每一啖豬扒都充滿左芝士嘅香。之後再到呢度嘅燒春雞，兩塊雞脾，同樣亦都係保留左最豐富嘅肉汁，雞肉嫩滑，非常不錯。呢度嘅飲品，可以係一般嘅茶或咖啡，我以凍奶茶作結。
我哋選擇左另一個套餐，兩個人食，買單$1000左右；
餐前開胃小點 Amuse Bouche，係一塊西班牙火腿，以微鹹作為開胃小食。
之後就係法包同蔥油餅，法包搽上左餐廳特別調製嘅蒜蓉牛油，非常香；另外蔥油餅亦都薄得非常香脆，亦都可口；
之後就係配上自家製蛋黃醬嘅炸蟹球，成個蟹球都係蟹肉，用料充足。
由於餐廳當天沒有龍蝦湯供應，所以就轉左黑松露菌湯，湯除左Creamy之外，亦都飲得出有酒味，都幾好飲。
再之後就到西班牙嘅豬扒，佢喺度整豬扒嘅特色之處係將一層厚芝士溶化左係豬扒嘅外層，令到每一啖豬扒都充滿左芝士嘅香。
之後再到呢度嘅燒春雞，兩塊雞脾，同樣亦都係保留左最豐富嘅肉汁，雞肉嫩滑，非常不錯。
呢度嘅飲品，可以係一般嘅茶或咖啡，我以凍奶茶作結。
Post
