丼丼屋 (綠楊坊) (Closed)

環境濶落，兩個人都可以坐四人枱，平日夜晚七點去都都唔使等位都有一段時間無去丼丼屋食，刺身沙律每次都必點，對上一次食刺身係切粒，今次一上，噢變左一片片~~外觀變左，但味道依然係咁好味，爽脆生菜，加上清新柚子汁再配新鮮刺身，無得彈蟹肉玉子，新產品，食落好有蟹肉味，但相對就少左啲玉子味，味道不錯燒雞腎比以往失色，以往燒得好乾身，食落就好香入面又不太乾，今次一上就太多汁，似係燒左一陣拎去炆嘅口感有驚喜炸薯條，又幼又干身香脆，明顯係油夠熱先放落去炸，所以凍左都仲好脆！熱薯條再點上冷凍嘅茄汁，外冷肉熱，正！新產品，好香嘅蕃茄湯，牛肉好嫩滑，烏冬係永遠不敗咁彈牙！美中不足就係只有三片牛肉