Espuma (QRE Plaza) (Closed)

有日女朋友問我依間餐廳好唔好食， 在無數錯誤中成長的我，立即明白要訂位。心諗其實食乜都冇所謂, 最緊要食得開心, 但最終有意外驚喜。我哋兩個人點咗 - 辣味蟹肉撻 , 秘製招牌香脆鹹豬手,  蟹肉明太子卡邦拿意粉及流心軟芝士麻薯厚鬆餅。頭盤先嚟個辣味蟹肉撻, 撻皮好脆, 啲蟹肉都好鮮甜, 勁多蟹肉, 加埋佢個辣味醬味道好夾。之後嚟咗隻德國咸豬手, 豬手外面個皮好脆, 裏面個肉又好嫩同多汁,  除咗豬手之外, 仲有啲酸菜絲, 啲酸菜絲帶啲清新口感, 令到豬手嘅油膩感都冇咁重。蟹肉明太子卡邦尼意粉,  啲意粉煮得啱啱好, 啲明太子醬就好香好濃味, 啲蟹肉好鮮甜。見到隔離枱點咗個麻糬厚鬆餅, 之後問侍應想要同一款, 點知侍應話製作時間需要半個鐘, 好彩剛剛上主菜, 有充分時間可以等, 點知有意外驚喜, 啲麻糬厚鬆餅好鬆軟, 加上啲流心軟芝士, 口感真係好好, 真係一口咬落去, 啲芝士就流出嚟, 啲麻糬口感啱啱好, 唔會太黏,  唔錯。順帶一提，在枱角過有個RQ code, 順便問侍應依個係乜嘢, 回覆話如果用電話或whatsapp訂枱會有額外優惠, 下一次一定要試下先。