OMG Chicken (Closed)

每次黎附近行Donki都有衝動黎回味佢個二人餐 ($278)，實在係非常抵食，今晚終於坐言起行。墨西哥香辣汁烤雞一人一隻雞髀同雞全翼嘅份量啱啱好，好鍾意新鮮炸起燙手嘅溫度，皮脆肉嫩，啖啖肉得黎夠入味。 墨西哥香辣汁充滿異國風味，辣度係無論食唔食得辣都會滿足嘅程度，非常惹味。千島大蝦海鮮pizza (+$20)真係啖啖海鮮，蜆、魷魚等等雜錦海鮮真係彈牙有鮮味，爽脆嘅彩椒同洋蔥好清新，加埋海量千島醬冇理由唔好食。黑松露薯條 (+$22)佢係好味嘅粗薯條，可惜唔係我想像中嘅黑松露忌廉醬，反而係黑松露粒。 講真唔算好濃味，勝在茄汁係好鮮嘅蕃茄味，當係原味薯條咁食會啱feel啲。