火薈中日火鍋

Open Now

Now Closed

作為一個邊爐控，每個月打幾次邊爐係最基本㗎啦🤭 今次嚟到太子呢度，鄰近花墟，餐廳主打中日火鍋。卡位闊落舒適。單點好似額外有折，不過我哋見到佢嘅二人海鮮餐好似幾多嘢食，所以就叫咗套餐喇，另外單點咗碟白鱔片！套餐有幾個窩底可以選擇，既然主打食海鮮，我哋就揀咗清淡啲嘅芫茜皮蛋火鍋。湯頭不錯，仲配有幾件滑滑豆腐。套餐海鮮拼盤有原隻龍蝦🦞鮑魚、蟶子、海蝦、花甲 ！套餐有呢個質素相當唔錯，海鮮食落新鮮，龍蝦肉質彈牙😋 肉類我哋揀咗牛牛，食落應該係安格斯小牛排嘅部位，肉質嫩滑。有三款手打丸，另外仲有脆炸響鈴、稻庭烏冬及蔬菜拼盤🥬 ♧♧♧♧♧♧🪧有加一醬料茶芥收費💰加埋枝啤酒埋單大約HK$935