The Farmhouse 咖啡廳

呢間buffet實在係一試成主顧🤭!因為佢都算係近年食過令我覺得好味嘅頭幾名🏆~呢度嘅熱食款式多,各種嘅咖喱同薄餅薄脆🥘,味道都好好~如果胃口夠大,佢嘅即炒意粉都好好食🍝~仲有即燒雞翼🐔,翠玉瓜之類~另外亦有魚蛋,餃子粉麵🍜~熱食當中,佢個三文魚扒係最好食🐟,肉質嫩滑~另一大亮點就係甜品部🍰,有我成日都念念不忘嘅聖安度蛋糕😍😍😍!佢係酥皮底,加上咗有云呢拿味嘅吉士,個頂係一粒泡芙,上面再有焦糖🍯~呢個甜品認真無得輸👍👍👍!可惜太多嘢食,本身想食多個都食唔落...另外個朱古力蛋糕都超濃郁🍫,仲有個焙茶卷蛋都好香🍵~今次嚟啲甜品又轉晒款,令我都幾驚喜~不過重中之重,絕對係佢個轉轉雪糕櫃🍦~咁多款雪糕,真係應該留啲時間試多幾款⏳~今次試咗上次食唔到嘅椰子味🥥,同埋冧酒提子🍇~兩款味道都好,但冧酒提子正啲~佢嘅海鮮冷盤唔算多,我覺得係最大失色位😔~海鮮方面只有大蝦🦐,青口同翡翠螺🦪,如果有埋蟹腳就好🦀~另外刺身方面好似只有三定四款,有三文魚吞拿魚同鯛魚,唔算好吸引~後面就係一啲appetizer,有各款芝士🧀,沙律之類🥗~呢間buffet正到我自己一條友都要去食~因為唔想掛住同人傾偈浪費咗時間