板卷 (Closed)

話說今日係公司OT做晏咗，諗住食aeon d食堂，點知原來而家d餐廳有得收十二點都要收九半，周街都冇野食既情況下，決定再俾機會板卷，仲要用最快速度外賣自取，今次終於冇咗d風味豉油飯，但係換尼既係滿滿既薑蔥味，佢d魚生係冇乜雪味，但就一d都唔新鮮lor，每舊食落去既texture 感覺都差唔多，一舊調味稍為正常既壽司都冇，連火炙三文魚哩d咁安全既option都可以出事，更遑論最容易出事既海膽？首先望一望個外觀已經覺得出曬事，佩服自己當刻竟然夠膽放入口，果不其然，一咬便是滿口腥臭，立即lur曬成舊既我到而家個口就仲臭緊，有某啲野難食呢係可以姑息，因為當刻難食當刻消失，但哩舊海膽竟然係有持續效果，個after taste係你飲幾多啖水都救唔到。精彩地方尼啦，我驚唔夠飽仲叫咗個軟殼蟹手卷，諗住你d生野野唔得既通常熟食會ok ，哈，我太天真，成個軟殻蟹極淋，中間仲有d沙律醬溝唔知咩搶曬成個手卷既味。總括而言，好耐未食過d生食熟食火炙都可以下限地差既舖頭。