Video
Read full review
2023-10-12
177 views
👑皇牌3+2撈檬 $63呢款皇牌果然巴閉 有齊雞肉牛肉豬肉分別係手撕雞 豬頸肉絲 扎肉絲 脆豬肉同埋烤牛肉其中最多係豬頸肉絲 每條都粗粗肥肥 肉感滿滿油脂平均 唔會乾鞋又唔會過份油膩 香香脆脆最鍾意絕對係脆豬肉 雖然細細粒但鹹香味好突出口感硬身得嚟帶啲嚼勁 似係昇華版送粥嘅鹹豬肉烤牛肉偏甜 手撕雞就帶黑胡椒香氣 都幾有層次檬粉溫度唔會太冰 爽滑彈牙 另外一提係佢有大量醃蘿蔔絲 青瓜絲 同生菜 增加飽肚感之餘可以降低膩感 更加清新清爽配搭嘅越式魚露汁 酸酸甜甜好開胃🐮火炙燒牛+脆雞撈檬 $72牛肉大大塊而且份量都好多肉質軟稔得嚟帶啲咬口 炙燒到微微脆令人食唔停口😩調味鹹中帶甜都幾惹味同上面嗰款一樣檬粉溫度同樣唔會太冰爽滑彈牙之餘有大量醃蘿蔔絲 青瓜絲 同生菜上面仲撒咗大量炸蒜 同埋蔥花 非常鹹香香口🔥越式素春卷 $28 (跟餐+$19)春卷好足料 條條都肥嘟嘟入面包著Q彈嘅粉絲 木耳絲 蘿蔔絲春卷皮呈網紋 咬落薄脆酥炸
皇牌3+2撈檬
$63
114 views
0 likes
0 comments
👑皇牌3+2撈檬 $63
呢款皇牌果然巴閉 有齊雞肉牛肉豬肉
分別係手撕雞 豬頸肉絲 扎肉絲 脆豬肉同埋烤牛肉
其中最多係豬頸肉絲 每條都粗粗肥肥
肉感滿滿油脂平均 唔會乾鞋又唔會過份油膩 香香脆脆
最鍾意絕對係脆豬肉 雖然細細粒但鹹香味好突出
口感硬身得嚟帶啲嚼勁 似係昇華版送粥嘅鹹豬肉
烤牛肉偏甜 手撕雞就帶黑胡椒香氣 都幾有層次
檬粉溫度唔會太冰 爽滑彈牙
另外一提係佢有大量醃蘿蔔絲 青瓜絲 同生菜
增加飽肚感之餘可以降低膩感 更加清新清爽
配搭嘅越式魚露汁 酸酸甜甜好開胃
🐮火炙燒牛+脆雞撈檬 $72
牛肉大大塊而且份量都好多
肉質軟稔得嚟帶啲咬口 炙燒到微微脆令人食唔停口😩
調味鹹中帶甜都幾惹味
同上面嗰款一樣檬粉溫度同樣唔會太冰爽滑彈牙之餘
有大量醃蘿蔔絲 青瓜絲 同生菜
上面仲撒咗大量炸蒜 同埋蔥花 非常鹹香香口
🔥越式素春卷 $28 (跟餐+$19)
春卷好足料 條條都肥嘟嘟
入面包著Q彈嘅粉絲 木耳絲 蘿蔔絲
春卷皮呈網紋 咬落薄脆酥炸
Post
