Video
Read full review
2024-09-15
232 views
2月嘅時候，朋友曾經帶過我黎呢間餐廳食飯，餐廳環境幽靜，而且點心即叫即蒸，食物高質。自此之後，呢間餐廳就成為左我嘅口袋名單。一直都好想再來，咁岩今日去左將軍澳工作，收工就同埋屋企人食個Chill Dinner。今次encore左鵪鶉蛋松露燒賣($55)同焗叉燒包($38)，兩款點心依然出色。另外，都試左幾款其他點心小菜。窩貼蝦多士 (5件) ($88)蝦多士炸到金黃香脆，配埋鮮果沙律醬，食落完全無油膩感。懷舊灌湯餃 (2件) ($68)灌湯餃湯汁勁飽滿，而且餐廳好細心，會用托托住每隻灌湯餃，放落碗都唔會整爛個皮。另外配上浙醋，味道同層次都昇華不少。XO醬炒腸粉 ($78)餐廳自家製XO醬配上嫩滑腸粉，腸粉炒到好乾身好惹味。鳳梨咕嚕蝦球 ($178)8隻大蝦大大隻，而且炸到脆卜卜，配上酸甜汁，超開胃。估唔到第二次黎都繼續有驚喜，而且食物依然保持水準。
今次encore左鵪鶉蛋松露燒賣($55)同焗叉燒包($38)，兩款點心依然出色。另外，都試左幾款其他點心小菜。
窩貼蝦多士 (5件) ($88)
蝦多士炸到金黃香脆，配埋鮮果沙律醬，食落完全無油膩感。
懷舊灌湯餃 (2件) ($68)
灌湯餃湯汁勁飽滿，而且餐廳好細心，會用托托住每隻灌湯餃，放落碗都唔會整爛個皮。另外配上浙醋，味道同層次都昇華不少。
XO醬炒腸粉 ($78)
餐廳自家製XO醬配上嫩滑腸粉，腸粉炒到好乾身好惹味。
鳳梨咕嚕蝦球 ($178)
8隻大蝦大大隻，而且炸到脆卜卜，配上酸甜汁，超開胃。
估唔到第二次黎都繼續有驚喜，而且食物依然保持水準。
Post
