Three Bros Chicken Pocha (Moved) New Location

呢日去到荃灣二陂坊食飯，以往嚟二陂坊都係食下大排檔同雞煲咁，勢估唔到會有間新開嘅韓國菜餐廳。呢間韓國餐廳係由韓國人打骰，入面仲有為數不少嘅韓國人幫襯添，聽到佢地全程用韓文溝通食飯。韓國菜舖頭必定有嘅前菜，泡菜、薯仔同埋芽菜，都係可以任Fill。人蔘雞湯天氣涼涼地就會好想飲人蔘雞湯，濃郁嘅湯底，飲落暖胃好舒服。呢隻雞煲得好腍，雞入面嘅糯米都會爆晒出嚟。醬油炸雞嚟到韓國餐廳就好想食炸雞，不過今晚人少少，叫半隻就算，大概都有6-7件，性價比相當唔錯!韓式炒粉絲好經典嘅韓國主食，調味唔錯，略嫌火候麻麻。難得出嚟食飯咁開心，梗係整杯啤酒啤啤佢。佢地呢到都有供應韓國啤，我就比較偏愛Asahi Draught Beer。