Video
Read full review
2017-10-13
12509 views
午市攻略：呢間餐廳約左幾次食飯，終於試到了，咁難黎到原因，因為午市限食1個鍾，又無得訂位，要有人先嚟拎位先，如果唔係佢座位有限，遲左黎LUNCH TIME 時間等唔到枱，咁就無得食。好受歡嘅尖沙咀OL選擇！最好先上網睇定食咩，一到就落定單，咁就唔洗食到好趕！如要大枱（5人以上），最好12點半或之前好黎拎位，唔係要一班人等好耐，同留意佢入座計得1小時時限！地點： 尖咀厚福街H8, 方便不在話下，只係電梯多人時要排隊，不過多係晚市，午市排隊情況好些／唔洗排環境：有窗開揚有陽光街景，坐得都OK，但唔係好疏落嗰種服務：佢地都知午市緊張，都盡量開排位，上菜都快，又有BB櫈，都幾好！5個人叫了5個定食，個個定食都會跟前菜，甜品，蒸蛋和／或麵豉湯。魚子蔥吞拿魚腩茸飯（附沙律，味噌湯，茶碗蒸蛋，甜品）＄89： 個人都同朋友都食呢個，我覺得好好食呀！吞拿魚腩蓉無撈好重醬料，食得出佢新鮮同魚嘅鮮味，但又唔會腥，賣相一流，顏色豐富，撈埋蛋黃山葵，勁好味！銀雪魚西京燒定食（附沙律，味噌湯，茶碗蒸蛋，白飯，甜品）＄89銀雪魚不嬲都貴，不過佢肉質真係好食嘅，肥美油香的感覺好吸引 ，佢西京燒帶點甜味豉油香，唔少得旁
地點： 尖咀厚福街H8, 方便不在話下，只係電梯多人時要排隊，不過多係晚市，午市排隊情況好些／唔洗排
環境：有窗開揚有陽光街景，坐得都OK，但唔係好疏落嗰種
服務：佢地都知午市緊張，都盡量開排位，上菜都快，又有BB櫈，都幾好！
5個人叫了5個定食，個個定食都會跟前菜，甜品，蒸蛋和／或麵豉湯。
魚子蔥吞拿魚腩茸飯（附沙律，味噌湯，茶碗蒸蛋，甜品）＄89： 個人都同朋友都食呢個，我覺得好好食呀！吞拿魚腩蓉無撈好重醬料，食得出佢新鮮同魚嘅鮮味，但又唔會腥，賣相一流，顏色豐富，撈埋蛋黃山葵，勁好味！
銀雪魚西京燒定食（附沙律，味噌湯，茶碗蒸蛋，白飯，甜品）＄89
銀雪魚不嬲都貴，不過佢肉質真係好食嘅，肥美油香的感覺好吸引 ，佢西京燒帶點甜味豉油香，唔少得旁邊皂沙律蛋黃醬，配銀雪魚絕配！
九洲拉麵 － 唔辣（附沙律，茶碗蒸蛋，甜品）：朋友叫左九洲拉麵，賣相都OK，味道同事話都唔錯，只係50幾蚊味千咁嘅價錢，當然無得同成百蚊碗嘅拉麵相提並論，但各有所好，又有沙律，蒸蛋同甜品，點計都抵。
壽司定食配牛肉烏冬＄97: 到德美，手握壽司唔想錯過又想食下熱食，呢個餐最啱，勁多女同事食，你睇佢嘅壽司賣相都好吸引，件件見件司傅不停手握，件件新鮮，又有吞拿魚腩蓉，又有帶子，個人覺得抵，壽司飯醋味足，很開胃！再配上德美嘅玉子，好食，至於牛肉烏冬，中規中舉，但中午有些暖暖肚，好滿足！
午市餐牌
Post
