Thirty First of May (Closed)

今日同男朋友慶祝相識五周年， 忽發奇想去一個又可以賞月又可以共度晚餐嘅地方！ 經朋友介紹荃灣有一間餐廳可以滿足我嘅要求。 間餐廳叫做「Thirty First of May」，由荃灣廣場步行幾分鐘就到。餐廳環境不錯，好舒服， 就連餐具都好靚。我哋叫咗個M5 和牛肉眼扒二人套餐 $588 ， 有沙律、餐湯、餐包、 意粉同牛扒。 香噴噴嘅《黑松露野菌忌廉湯》出場，黑松露同野菌永遠都係最最佳拍檔， 味道好夾， 香味十足， 口感豐富，再加上忌廉， 又香又滑， 好飲！ 餐包口感鬆軟， 沾上牛油同餐湯一起食就更加惹心啦！ 《三文魚牛油果沙律》， 份量算多， 仲有好多塊三文魚，又有牛油果， 沙律菜又新鮮， 再加上特製嘅蜜糖芥末汁， 好好味。 我哋叫咗個《蟹肉露筍扁意粉》， 有足夠份量嘅蟹肉， 配上忌廉汁，意粉掛滿醬汁， 好惹味， 仲有爽囗蘆筍，口感好正！ 主角係《澳洲M5和牛肉眼扒》， 我要五成熟，啱啱好！ 和牛油脂分佈平均，入口溶化， 牛味香濃， 肉質嫩滑多汁， 好想 encore ！ 掃上少少牛油， 就更加好味啦！ 仲有薯蓉， 薯蓉又香又滑， 味道適中！ 可以望住個月亮嘆茶同共享晚餐，真係超高興