Video
Read full review
2016-02-13
834 views
「誰會珍惜，當你還擁有，將要逝去，總想挽留」從前常溜躂於牛頭角下邨，地踎小食，冰室小炒，只係填飽個肚，所見所用，只覺平平無奇，到知道要重建時，先記起闊別多年，回憶湧現。近年香港人著重集體回憶，睇見有心人以牛下做主題，打造全身商場，梗係支持吓。 商場牛下主題區將小店區同FOOD COURT加入牛下嘅色彩，從天花舊物掛飾，牆身壁報版同小店縷花鐵閘，大打本土情懷。 FOOD COURT大部份提供街頭小食以響應牛下新城主題。連枱櫈都發揮創意，用汽水籃墊底，而屏風板就用舊式酒樓雕花設計，加上牆身嘅懷舊政告示同標語，充滿懷舊氣氛。 麻辣燙$32今日天氣乍暖還寒，想食少少刺激嘢暖吓身，簡單方便麻辣燙最啱心意。食法好似車仔麵，寫完點菜紙即叫即煮，保證熱辣辣。食麻辣燙，我最鍾意點啲會大量吸收湯汁嘅配料，所以除豬腩肉外全部係素菜。豬腩肉切得夠薄，索晒湯汁又爽口湯底麻辣夠勁，所有材料好似海棉咁盡吸湯汁，食完成口麻晒成身暖晒雖然以前喺牛下無食過類似嘅嘢，但今日身置呢個充滿回憶嘅地方，熱熱鬧鬧，淨係食氣氛都已經心滿意足，期待下次再試其
「誰會珍惜，當你還擁有，將要逝去，總想挽留」從前常溜躂於牛頭角下邨，地踎小食，冰室小炒，只係填飽個肚，所見所用，只覺平平無奇，到知道要重建時，先記起闊別多年，回憶湧現。近年香港人著重集體回憶，睇見有心人以牛下做主題，打造全身商場，梗係支持吓。
商場牛下主題區將小店區同FOOD COURT加入牛下嘅色彩，從天花舊物掛飾，牆身壁報版同小店縷花鐵閘，大打本土情懷。
FOOD COURT大部份提供街頭小食以響應牛下新城主題。連枱櫈都發揮創意，用汽水籃墊底，而屏風板就用舊式酒樓雕花設計，加上牆身嘅懷舊政告示同標語，充滿懷舊氣氛。
麻辣燙
$32
48 views
0 likes
0 comments
麻辣燙$32
今日天氣乍暖還寒，想食少少刺激嘢暖吓身，簡單方便麻辣燙最啱心意。食法好似車仔麵，寫完點菜紙即叫即煮，保證熱辣辣。食麻辣燙，我最鍾意點啲會大量吸收湯汁嘅配料，所以除豬腩肉外全部係素菜。豬腩肉切得夠薄，索晒湯汁又爽口湯底麻辣夠勁，所有材料好似海棉咁盡吸湯汁，食完成口麻晒成身暖晒雖然以前喺牛下無食過類似嘅嘢，但今日身置呢個充滿回憶嘅地方，熱熱鬧鬧，淨係食氣氛都已經心滿意足，期待下次再試其他風味小食。
Post
