麻辣串串香 (Closed)

星期四放工無咩胃口，所以就去附近food court 食，揀左麻辣串串香，食碗車仔麵。呢度最少叫$32，叫度3樣餸，配個麵底。我揀左娃娃菜、潮州魚蛋、菜肉雲吞，加個烏冬，湯底要BB辣，味道正常。

價錢大眾化，抵食。因為叫app送貨，以為質數會麻麻，發現湯跟餸、粉分開放，豬大腸，豬紅一流，唔濃味，食到本身嘅味道。外賣碗非一般發泡膠碗，外型美觀，感覺用心安排。一定會有下次。

位於牛頭角近九龍灣嘅德寶商場入面有個foodcourt 好多美食，喺附近收工嚟到呢度睇吓有咩美食，今次揀咗呢間酸辣粉店。一個人黎食foodcourt搵位都算易，但要同其他人搭台，附近大多數係中、小學生。叫咗個最普通嘅重慶酸辣粉（$25），覺得佢嘅味道唔錯，夠酸同埋夠辣，配合啱啱好，但料真係非常之少，同喺大陸食川菜真係爭好遠🙁唔夠肉碎，唔夠花生，連蔥花都唔夠🤦🏿‍♂️成碗食完好似冇乜食過咁，個碗好大，都好多但係個面同埋料就非常之少🥺

#MJ牛頭角#MJ川菜🍲大大碗麻辣燙（$40）（🤤7.8/10）估唔到九龍灣既呢個小商場都會有個咁多野食既小foodcourt，呢間賣麻辣燙既舖頭特別吸引到我，因為香港真係少呢煩型既舖頭。🔽呢碗麻辣燙都幾大碗，啲餸就已經定好左既，有成八個餸，都好豐富下。有魚蛋、魚皮餃、豬紅、豬皮、牛腩、墨魚丸、生菜同蘿蔔，揀左紅薯粉做麵底。個辣湯叫左小辣，都唔算太辣，但個香味好重 仲帶少少麻，愈食愈過癮，薯粉同個湯好夾，而且啲餸既味道都唔錯，以四十蚊黎講好高質，一定會再幫襯。🏠麻辣串串香📍牛頭角牛頭角道3號得寶商場地下FC04舖#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#manjai_foodhunter#吃貨#相機食先#美食#香港美食#牛頭角美食#食好西#麻辣串串香

有時夜麻麻口痕想落街食宵夜，但大部份餐廳都已經關門，但唔知點介紹嘢特別想食串燒，得寶有個小型food court就有呢間串串香，份外吸引，同朋友食就最開心～我至愛食麻辣野

承接上話，既然一場來到，試一其他小食是少了的。這次點的是酸辣米bb辣。說實話，只有麵線的話只賣25元，的確是不錯的賣點，只是多點一兩個餸，就已經是連鎖店的價錢了，也應以此為基礎作評論。首先底味欠奉，生抽作鹹味，老抽作色，再以烏醋的酸，辣椒的辣為主體，這就是我所能體驗的味道，各種味道自成一閣，說白點猶如門外漢烹調一樣，能說得上是川菜嗎？更不用說響鈴一般市售，牛腩三兩片瘦弱不禁風，整碗麵溫暖之類的問題了。一直以來川菜離開了四川都以辣味呈獻，因為這是最易表達運用的一種感覺。然後又有各路英雄以嗜辣自居，讓辣味變得合理。然而取走了辣，還剩下多少？當中的就是手藝。翻開紀錄，居然有多少好評，原來還有三兩間分店，以此手藝也能賣食，誰說香港不是奇蹟之都？

自選麻辣燙（$43 / 四餸)原來九龍灣德寶商場入面有好多嘢食！入面有個好有特色嘅細food court ，今次試咗呢間叫 #麻辣串串香 ，主要食酸辣粉同麻辣燙，咁酸辣粉就食得多，今次就試吓個麻辣燙。麻辣燙其實就係麻辣火鍋嘅簡單版，細細碗過下癮都幾唔錯😎Order嘅時候寫點餐紙，寫咗四款餸都係40幾蚊，呢度仲有個大大碗嘅package有10款餸都只係$40蚊，想食多餸可以揀呢個。等咗大概10分鐘左右就食得，叫咗小辣，粉絲掛湯幾好，湯底幾麻幾香，辣度岩岩好，唔會辣到食唔到，叫咗雞翼尖、韭菜雲吞、豬腸同豬腩肉，味道都唔錯，最好食係雞翼尖，幾入味👌🏻不過可能碗野太細碗食完就唔係幾飽，如果大食嘅朋友仔可以去隔離鋪加多件小食就啱啱好。

上次來這邊，一同吃漢堡包那間店子。這一次，就強迫友人吃酸辣粉。這間麻辣粉麵，絕不起眼，但是，在這個美食廣場，人流卻源源不絕。點了個小辣湯底，味道的確不算太辣，但是又有點花椒的麻香。湯底夠熱夠燙，有點麻香，甚具中國式的麻香味。烏冬普普通通，因為中式湯底浸著烏冬，浸得耐便會林。其他餸料，也非常充足，絕不會因為它是大雜錦，而其他餸只會每樣一件。墨魚丸，雖然切成一半，但是起碼有三四件，尙算彈牙。豬皮也有兩件，豬皮吸汁，味道還不錯。牛腩反而非常出色，起碼有兩三件牛腩，牛味濃郁，而且夠香夠林，有些有筋在中間，更加出色。＄40八九個餸的大雜燴，你猜想，他可能會是相當求其，煮個麵有個湯，每樣都放一件，想不到，餸料也質素出色，教人驚喜。查找一下，發現原來荃灣早有分店，下次可以去荃灣在吃。

這裡是美食廣場的其中一店，由於想吃麻辣所以挑了這間。原本打算留肚點一些其他餐廳的食物，豈料這小店有最低消費$32呢。令原本只打算叫2餸的改為叫3餸，貢丸、牛腩和水魷，麵則是紅薯粉。其實這裡麻辣價錢不貴，餸分3種價錢，有$6, $8和$9, 叫多幾個餸也沒有很貴。我選了少辣也很辣呢，邊流著鼻水吃呢！紅薯粉質感不錯，但送的配料算少，起碼就不見花生。貢丸有2粒，各切開一半。牛腩份量比想像中多，而且很軟熟好吃。水魷則不過不失，數量偏少。總括來說，下次想吃辣也會再光顧！

🔹麻辣涼拌豬手 $28麻辣配青瓜呀，豬耳呀，雞腎呀就見得多，豬手都成日見，但涼拌再配麻辣好似真係比較少見。但其實諗落都應該好夾，食過花雕醉豬手嘅人都知道，豬手可以同青瓜豬耳一樣咁爽脆，配麻辣應該唔錯。.睇個樣都見到，豬手上面有好多香料，但其實聞落又唔係特別好香紅油味，食落唔太麻，辣度亦有啲不足，不過要讚既係豬手上枱前已經預先切好一口size, 好易食。豬皮部份淋得黎又夠晒爽口同彈牙，仲充滿膠質(滿滿嘅骨膠原💕💕).總結就係單睇豬手不錯，不過麻辣口味有待加強。

得寶商場自重新裝修後開了不少商舖。其中最為附近街坊歡迎的是商場地下那一層的《 得米美食檔》。 這層《得米美食檔》 是仿效傳統港式大排檔， 但實際上以food court的形式來經營。 這層《得米美食檔》有八間食肆，中間圍著共用的桌椅供食客使用。地方不算太大，大概有40-50個座位。今天獨個兒我來到《得米美食檔》嚐一嚐串串香的重慶酸辣粉。坦白說這碗40元的重慶酸辣粉分量實在少得有點讓食客感覺店主不太老實。 兩粒開邊的墨魚丸收費須要7元， 確實貴得離譜。 而且墨丸有肉類增味劑，是我最怕的味道。 紅薯粉烹調時間過長， 輕輕一夾即斷開。 就食物質素、份量和味道等各方面，串串香的表現均令人失望。 我大概不會再幫襯了。

得寶入面都幾多野食串串香就一定係必食嘅其中一間大大碗麻辣湯真係好正雖然每次都係叫走辣但湯底的確係一試難忘最鍾意食紅薯粉 勁夾湯底而且好多餸 索埋湯底一齊食入哂味 特別喜歡佢地嘅豬紅超級抵食呀

Want some thing light Not too much Not hungry but have to eat some hot meal knows Ngai tau kok lower Meaning cheap and grassroots Purposely walk indiscover a fair price shop38$big big bowl Full of grassroots ' special Fish balls Squid ballsBeef stewedWhite carrots pieces 5-6Some vegetables 🥒 San choiLots of pig blood cubes And very spicy 🌶 beef stew lean and good taste Hot sichan spicy oil layer over a tall mug different balls Meat Vegetables give you different fresh taste And the quantity is so

今日來到得寶商場，四處欣賞牛下特色風光，再到Food court 品嘗價錢相宜既美食！麻辣燙，即係麻辣火鍋既簡化版，將食材係麻辣湯底燙熟，食材吸收麻辣汁，暖身又美味！減肥中既筆者叫左魚腩水餃粉絲（中麻辣）。湯底麻同辣味平均，魚腩有鮮味但略嫌多幼骨，水餃味道正常，粉絲盡吸收湯底精華，每口都係濃濃既麻辣香過癮👍🏻男友叫左大大碗，乜都有既麵都係38個大洋，價錢十分相宜呢👍🏻豬紅無腥味，牛腩有大約3大件，香濃牛肉味，無過火，推介👍🏻仲有好多餸，例如魚旦，魚皮餃，時菜，豬皮，但蘿蔔唔夠淋同唔夠入味，可改善一下。總括來講，依間麻辣燙味道不錯，價錢大眾化，難怪大部份食客面前都有碗麻辣燙😆下次會再來食

首先，要讚嘅係收銀姐姐，服務態度和藹可親，要葱有葱，要蒜有蒜👍🏻。好多時食嗰啲所謂麻辣，都係死辣，唔夠麻味，呢個嘅麻同辣都好平均，啲花椒仲要係磨碎咗，更加帶出啲香味！正！👍🏻