豊勝手丼 (Moved) New Location

上網睇到銅鑼灣有間食丼飯的唔錯，今日放工就同同事去試下。店外貼滿各大媒體得獎post，店內細細間，只有4張4人枱。牆身仲貼左張紙寫住可以免費添加壽司飯。丼飯的價錢中等，唔算好貴，我揀左五品丼 $268。食物好快送上，一SET 賣相好好，有麵豉湯、沙律、小食同丼飯。沙律味道酸酸甜甜，十分開胃。重中之重的五品丼，可以一次過嘗試5款刺身，全部都係厚切、新鮮，真材實料，包括三文魚、油甘魚、活帶子、海膽、赤蝦，海膽：份量唔少，入口即融赤蝦：大大隻，好肥美，唔腥活帶子：一粒切開左兩邊，中間夾左塊檸檬片，提昇鮮味，較硬身三文魚&油甘魚：非常厚切，油脂比例均勻，味道鮮，有口感米飯份量都唔少，一個set 已經好滿足。