釧

Open Now

Now Closed

．五星級享受的一餐．晚市分兩個價位：$2880「釧」 及 $2280「瀧」，兩者主要分別差了2道前菜及1道一品料理。我哋今日所揀嘅係$2880「釧」，一共有五款前菜、四款一品料理 同埋八貫壽司，總括嚟講，就係會食到好多高級而且秋季時令嘅食材。呢到嘅晚市廚師發辦係會將前菜、一品料理同埋壽司環節交替咁出，令到成個用餐節奏有啲變化，我自己都幾喜歡呢一種安排。今晚好多秋季時令嘅菜式都有出到，包括一開始嘅鱈魚白子、壽司環節嘅秋刀魚，平時麻麻哋光物魚嘅我，都非常鍾意呢一件壽司。仲有幾款招牌菜式：魚子醬牡丹蝦他他、山口縣產嘅赤鮑魚，海膽方面都用上羽立白海膽。