Video
Read full review
2024-11-12
670 views
星期六同朋友去尖沙咀行街，夜晚去咗厚福街搵餐廳食飯，見到呢間話主廚曾係五星級酒店任職多年，就決定試吓。麵包餐包有驚喜，有三種款式，牛角包奶油味幾重，咬落去仲係熱辣辣，仲有士多啤梨醬同牛油可以搽。火炙半熟三文魚伴紫蘇莎莎三文魚好新鮮，而且好厚切，紫蘇葉用咗檸檬同橄欖油調味，食落好開胃。香辣番茄汁花甲天使麵天使麵香辣可口，蕃茄汁有用新鮮蕃茄，麵質煮得啱啱好，唔會太軟，花甲都算幾多，配埋天使麵食幾夾。澳洲羊T骨羊T骨揀咗五成熟，廚師火候控制得幾好，出面嘅皮幾脆，肉又唔會煮得太老，咬落去肉汁鮮嫩。菜式擺碟非常用心，其中配菜有薯仔釀豬肉，幾特別。D24榴槤奶昔榴槤奶昔非常香濃，飲落去好滑口，鍾意榴槤嘅朋友可以一試。士多啤梨朱古力窩夫伴士多啤梨雪糕窩夫啱啱焗好，新鮮熱辣出爐，咬落去外脆內軟，唔會太甜，配埋士多啤梨雪糕食，充滿幸福嘅感覺。餐廳可以用朱古力寫碟，例如Happy Birthday, 當晚見到其他食客慶祝生日，職員更會點蠟燭，服務非常貼心。餐廳食物水準高，食得出廚師嘅五星級酒店功力。如果下次同朋友去尖沙咀，可以再光顧。
麵包
餐包有驚喜，有三種款式，牛角包奶油味幾重，咬落去仲係熱辣辣，仲有士多啤梨醬同牛油可以搽。
火炙半熟三文魚伴紫蘇莎莎
三文魚好新鮮，而且好厚切，紫蘇葉用咗檸檬同橄欖油調味，食落好開胃。
香辣番茄汁花甲天使麵
天使麵香辣可口，蕃茄汁有用新鮮蕃茄，麵質煮得啱啱好，唔會太軟，花甲都算幾多，配埋天使麵食幾夾。
澳洲羊T骨
羊T骨揀咗五成熟，廚師火候控制得幾好，出面嘅皮幾脆，肉又唔會煮得太老，咬落去肉汁鮮嫩。菜式擺碟非常用心，其中配菜有薯仔釀豬肉，幾特別。
D24榴槤奶昔
榴槤奶昔非常香濃，飲落去好滑口，鍾意榴槤嘅朋友可以一試。
士多啤梨朱古力窩夫伴士多啤梨雪糕
窩夫啱啱焗好，新鮮熱辣出爐，咬落去外脆內軟，唔會太甜，配埋士多啤梨雪糕食，充滿幸福嘅感覺。餐廳可以用朱古力寫碟，例如Happy Birthday, 當晚見到其他食客慶祝生日，職員更會點蠟燭，服務非常貼心。
餐廳食物水準高，食得出廚師嘅五星級酒店功力。如果下次同朋友去尖沙咀，可以再光顧。
Post
