Video
Read full review
2021-06-24
1554 views
❀ 文華扒房及酒吧 #中環 ❀❗️五星級米芝蓮多年經典扒房 記住睇內文唔好重蹈覆轍❗️——————————————————文華酒店相信大家都唔會陌生，當中嘅餐廳全部都非常有水準✨今次嚟到獲得米芝蓮一星嘅經典文華扒房，最出名莫過於佢哋木炭燒烤嘅扒類、威靈頓牛柳。另外頭盤龍蝦湯、牛肉他他、煙三文魚等都係佢哋嘅經典🤩位於酒店一樓，室內設計經典優雅，坐近窗邊可以望到對外嘅皇后像廣場噴泉。上網特登細閱過佢哋嘅Menu，留意到Saturday brunch 係最抵食，可以自選三道菜，試晒佢哋最出名嘅頭盤、甚至有埋招牌威靈頓🔥價錢比起佢哋平日晚市五道菜平一半，仲唔使兩個人食埋同一樣嘅嘢。.‼️不過千算萬算，冇諗過book14:00，嚟到所有威靈頓已經賣晒😭後來店員提我地，可以book位嘅時候預留定威靈頓牛柳🥲大家去嘅時候記住記住要事先講定‼️不過我哋都有問返，Saturday brunch嘅威靈頓同晚餐有冇分別，因為價錢平一半。侍應表示，brunch嘅係廚師整好一大條威靈頓，然後切出一塊分比客人。但晚市嘅就二人份，可以享用成條威靈頓，酥皮嘅比例就會更加多。但就兩個人必須食同一道主菜。有辣有唔辣，視乎大家嘅喜
❗️五星級米芝蓮多年經典扒房 記住睇內文唔好重蹈覆轍❗️
——————————————————
文華酒店相信大家都唔會陌生，當中嘅餐廳全部都非常有水準✨今次嚟到獲得米芝蓮一星嘅經典文華扒房，最出名莫過於佢哋木炭燒烤嘅扒類、威靈頓牛柳。另外頭盤龍蝦湯、牛肉他他、煙三文魚等都係佢哋嘅經典🤩位於酒店一樓，室內設計經典優雅，坐近窗邊可以望到對外嘅皇后像廣場噴泉。上網特登細閱過佢哋嘅Menu，留意到Saturday brunch 係最抵食，可以自選三道菜，試晒佢哋最出名嘅頭盤、甚至有埋招牌威靈頓🔥價錢比起佢哋平日晚市五道菜平一半，仲唔使兩個人食埋同一樣嘅嘢。
.
‼️不過千算萬算，冇諗過book14:00，嚟到所有威靈頓已經賣晒😭後來店員提我地，可以book位嘅時候預留定威靈頓牛柳🥲大家去嘅時候記住記住要事先講定‼️不過我哋都有問返，Saturday brunch嘅威靈頓同晚餐有冇分別，因為價錢平一半。侍應表示，brunch嘅係廚師整好一大條威靈頓，然後切出一塊分比客人。但晚市嘅就二人份，可以享用成條威靈頓，酥皮嘅比例就會更加多。但就兩個人必須食同一道主菜。有辣有唔辣，視乎大家嘅喜好🧐(我自己就覺得Brunch真係抵好多，只要唔好好似我哋咁蠢就得。)
.
✷𝑀𝑒𝓃𝓊✷
☞ Saturday Brunch $788
♥ Bread (4.2/5)
有別於常見嘅sourdough，呢度嘅餐前麵包係牛油味甚重鬆軟嘅Brioche。
配上自家製嘅牛油🧈，令牛油果香氣再度提升，簡單邪惡好味😋。
.
♥ Amuse bouche (4/5)
簡單每人一件松露多士，內裏夾住甜甜地嘅焦糖洋蔥🧅，正正常常。
Bread
46 views
0 likes
0 comments
·
♥ Appetisers
✦ Blue Lobster Bisque (4.4/5)
招牌頭盤之一！
碗裏面裝住爽口凍身嘅龍蝦肉🦞tarragon cream，然後侍應會淋上香濃熱辣辣嘅龍蝦汁，將內裏嘅龍蝦肉座熱、溶化啲忌廉。
龍蝦味非常鮮甜，口感順滑，難怪係招牌之一✨。
Lobster bisque
92 views
0 likes
0 comments
.
✦ A5 Waygu Beef Tartare (4.2/5)
其中一道我經常會嗌嘅頭盤，食過好多間唔同嘅牛肉他他，大部份感覺都係差不多。
呢間嘅調味出乎意料地有耳目一新嘅感覺，多咗蕃茄嘅酸甜，隱約有少少魚柳包嘅酸瓜味😚。
唯獨係只配上一小塊sourdough，不過因為佢本身唔會太鹹，就咁食都OK。
Need tartare
60 views
0 likes
0 comments
.
♥ Mains
✦ Slow-roasted USDA Prime Rib of Beef (4.3/5)
冇晒威靈頓超級唔開心😫唯有問侍應仲有咩好推薦，侍應話呢個烤牛肉都係唔少人再度回頭嘅原因，所以我哋決定一試。
呢一個烤牛扒係除咗威靈頓之外嘅招牌菜✨侍應會係你面前即切，不過就冇生熟程度選擇。個情形有啲似有時喺自助餐會見到嘅烤肉section，由廚師切出兩薄片牛扒。
不過當然呢度嘅牛肉質素就高好多，牛味重，有咬口但唔韌，邊邊位有少少肥肉仲更加香口，難怪咁多人為咗個牛扒回頭🔥。
不過千祈唔好以為呢款係超大份好厚身嗰種牛扒，佢真係只係喺個大牛柳到切兩片出嚟。
另外會配上兜雜菜，烹調得好好，係食過最出色嘅雜菜🥦。
Slow-roasted USDA Prime Rib of Beef
68 views
0 likes
0 comments
Slow-roasted USDA Prime Rib of Beef
50 views
0 likes
0 comments
.
✦ Roasted Monkfish (4.1/5)
另一道店員推介嘅菜式，不過後來上網見到，佢哋有另一道魚Dover Sole都好似幾出名，不過就要加$128。
呢款魚嘅口感唔係爽口彈牙，而係比較mushy，我覺得還可以。
加上香濃嘅白汁，再有少少泰式香草味，唔算話好特別，但係好食嘅👌🏻。
Roasted monkfish
79 views
1 likes
0 comments
.
♥ Desserts
甜品質素整體還好，始終係扒房，唔係精緻嘅法國菜，甜品水準冇話非常之高，但當然都有質素。
✦ Millefeuille (4/5)
有別一般嘅拿破崙，而係打橫嘅圓柱體，幾特別。
酥皮夾住吉士、香甜嘅芒果，最正係配上椰子味嘅雪糕，唔錯👍🏻。
Millefeuille
27 views
0 likes
0 comments
.
✦ Souffle (4/5)
疏乎厘有好多唔同口味選擇，包括原味、莓、薑、酒味、同埋我哋揀嘅70%朱古力味。
表面加上左一層朱古力醬，入口有少少流心嘅感覺，有啲似心太軟。
不過口感稍嫌有少少蛋白嘅膠質(唔知你明唔明🙈)。
Souffle
27 views
0 likes
0 comments
.
♥ Petite Fours (4/5)
最後會送上每人一粒馬德蓮同埋兩條朱古力。
馬德蓮新鮮焗製，外脆內濕潤，唔錯。
朱古力就係簡簡單單嘅爆炸糖朱古力、橙皮朱古力🍫。
Petite four
25 views
0 likes
0 comments
——————————————————
✨整體味道: 4.2/5
✨環境裝修: 4/5
✨服務態度: 4.3/5
✨性價比: 4/5
✨再訪興趣: 4/5
.
💞整體來講
始終係多年屹立不倒嘅五星級米芝蓮扒房，當然有一定嘅水準，每一道菜色都唔會令人失望，我覺得都值得一試🔥不過亦作為經典扒房，菜式就唔會過於創新有驚喜，感覺都幾適合帶埋年長一輩來慶祝，應該會啱佢哋口味。至於環境方面，位於文華酒店一樓，就唔會見到海景，不過好彩嘅話都可以望到皇后像廣場。侍應有善，但未至於貼身‼️另外再三叮囑大家，如果想食到威靈頓，記住落單嘅時候就預先留定，唔好好似我哋咁蠢！
Post
