麥當勞

Open Now

Now Closed

之前M記推出左18件麥樂雞，同事即刻買來試吓。麥樂雞個個都食過啦，所以其實係主要想試吓佢果個新出嘅四色醬，因為好似其實都幾新奇咁。四色醬分別係有南乳燒雞醬、咸蛋黃醬、蜜糖芥茉醬，好似仲有個檸檬醬。睇相都知道南乳燒雞醬同埋咸蛋黃醬，個顏色都幾鮮艷，坦白講有啲驚佢係有好多化學野。味道方面，南乳燒雞醬都勉強可以接受，但係咸蛋黃醬就由色水到個味道都唔係好對路，完全係同一般金沙雞翼、金沙魚皮之類食品咸蛋黃醬爭好遠。另外，蜜糖芥茉同埋檸檬醬就比較係穩陣，正正常常咁啦。結論就係，其實我覺得本身麥樂雞default選擇嗰個甜酸醬應該就係最好食嘅，下次都揀返佢最穩陣，當然最好依Ｄ野都係少食啦，哈哈。