Video
Read full review
2015-05-15
3933 views
亞士厘道一帶真係美食集中地，計上次去左同一座大廈既肚餓了串燒，今日就去位於19樓既 CHEF STAGE by Eddy Chu食晚餐。.入到餐廳內已經見到大廚拎過唔少獎項，仲有不少既報章雜誌報導。原來呢度既老闆兼餐廳總廚曾被業界稱為「西餐浪子」，Eddy Chu入行超過三十年，任職過多間星級酒店及會所，廚藝經驗豐富，這樣一來讓小妹相當期待。由於座位不多，晚上七時後已座無虛席，熱鬧非常，建議想黎食既人要預先訂位。.餐廳既環境其實唔大，一出電梯已經可以見到正前方，有著透明玻璃既廚房，而左右兩旁都設有座位。右前方更設有半開放式既位置和放置飲品、凍肉既玻璃櫃。其實如果坐近玻璃櫃旁既座位，都幾熱下，因為我們就係被安排坐這個位置。.餐廳有晚市套餐$498+10%，包前菜、湯、主菜及甜品。另外都有散叫餐廳，少不了一些前菜、意粉和豬牛雞羊菜式等，我就選擇左後者。.後來，熱情既服務生有推介佢地既Today's Special，共有五款，比較特別既有連殼都食得既Baked French Escargot、仲有原隻皇帝蝦一齊炸既King Prawn Toast、Scallop Carpaccio配得過獎項
亞士厘道一帶真係美食集中地，計上次去左同一座大廈既肚餓了串燒，今日就去位於19樓既 CHEF STAGE by Eddy Chu食晚餐。.
入到餐廳內已經見到大廚拎過唔少獎項，仲有不少既報章雜誌報導。原來呢度既老闆兼餐廳總廚曾被業界稱為「西餐浪子」，Eddy Chu入行超過三十年，任職過多間星級酒店及會所，廚藝經驗豐富，這樣一來讓小妹相當期待。由於座位不多，晚上七時後已座無虛席，熱鬧非常，建議想黎食既人要預先訂位。
.
餐廳既環境其實唔大，一出電梯已經可以見到正前方，有著透明玻璃既廚房，而左右兩旁都設有座位。右前方更設有半開放式既位置和放置飲品、凍肉既玻璃櫃。其實如果坐近玻璃櫃旁既座位，都幾熱下，因為我們就係被安排坐這個位置。.
餐廳有晚市套餐$498+10%，包前菜、湯、主菜及甜品。另外都有散叫餐廳，少不了一些前菜、意粉和豬牛雞羊菜式等，我就選擇左後者。.
後來，熱情既服務生有推介佢地既Today's Special，共有五款，比較特別既有連殼都食得既Baked French Escargot、仲有原隻皇帝蝦一齊炸既King Prawn Toast、Scallop Carpaccio配得過獎項既醬汁Miso Honey。總共我地選擇左兩款前菜，再配兩個主菜。
.
Sangria
$68
102 views
3 likes
0 comments
由於想要些飲品，服務生推薦我地可以試下西班牙特飲Sangria。可以揀要白酒或紅酒，另外再配左條水果串，簡單又特別，連唔飲酒既小妹都覺得好易入口。
.
Baked French Escargot (焗法式田螺)
$128
107 views
2 likes
0 comments
由於同S先生都好好奇連殼都食得既田螺會係點架呢？感覺好特別，好奇心滿瀉既我們就叫左佢。
原來田螺既外殼係以香料麵包所製，外殼咬落脆身，入口有好香好濃既牛油蒜香味，田螺咬落爽彈，愈嚼愈好味; 所配既薯蓉質感好軟屬，同平時唔同既係入面仲有埋粒粒薯仔粒，增添左口感。同S先生都一致認為呢個焗田螺好好味，諗起都想再食。
.
King Prawn Toast (皇帝蝦多士)
$168
99 views
3 likes
0 comments
King Prawn Toast (皇帝蝦多士) $168平時食開既蝦多士普遍都係多士上放隻蝦再拎去炸，不過呢度既就有點唔同，係將原隻蝦夾入多士度，而且一黎到個形狀好得意呢。炸到外層金黃色既多士，切開後見到入面既蝦肉，每啖都食到蝦肉既爽鮮味，仲有香口既多士，唔錯。
.
Slow Cooked Beef Rib Eye Steak (慢燒美國牛肉眼)
$388
110 views
3 likes
0 comments
餐廳上寫明必食既牛肉眼，身為牛魔王既小妹梗係要試啦。服務生話呢塊牛肉眼已經慢燒左五、六個鐘，所以係無得揀要幾成熟。
.
牛肉眼上桌時色澤粉嫩，仍帶點血水。平時一塊塊牛扒就食得多，呢款就比較少食。望落塊肉眼好似軟腍腍，實則咬落肉質鬆化有嚼勁，牛味滿濃郁，帶筋位愈嚼愈香，小妹都食左唔少。.
Baked Lamb Belly (焗羊腩)
$285
92 views
4 likes
0 comments
據說呢個焗羊腩係先燴完再燒，燒既時候脂肪會溶化再慢慢滲透落肉質度，所以食落會比較juicy同軟腍，聽落好似好吸引。
黎到既時候，個賣相好自己就諗起法式寶雲酥燒羊腩，因為面頭同樣灑左麵包糠再拎去焗。
食落肉質果然好軟腍，但小妹就覺得過腍了，而且缺少左羊騷味，所以食落唔似食緊羊，但對於怕羊騷味又想食羊既人黎講，呢款羊腩會滿適合佢地。
Post
