Video
Read full review
2024-07-14
425 views
不經不覺同另一半行到第8個年頭，有藉口可以去食餐好！第一次到訪半島酒店嘅餐廳，揀咗高價位代表嘅Omakase。環境位於半島酒店商場B1層，都唔難搵，餐廳頗大，有2邊bar 枱，是日平日全場爆滿，我哋先前無request坐bar枱，雖然無得望住師傅serve，但卡位都坐得舒。 瀧TAKI $2280 Dinner 有3個選擇，揀咗中間價位，包括：おつまみ3品・一品料理3品・鮨8貫・お吸物・デザート おつまみ3品即前菜3品，第一道前菜有蝦蛄刺身，即瀨尿蝦，來自北海道小樽市，以BB紫蘇葉及酸汁作調味，其做法同醬油蟹差不多，酸汁十分開胃，蝦蛄滑溜仲帶蝦膏。第二道前菜係餐廳嘅signature，以龍蝦湯整成啫喱狀，加入蕃茄，此Base不變，而蕃茄On top 就係seasonal ，今期有牡丹蝦，最面再加上俄羅斯Cristal Caviar及食用花。食法係一羹勻到底一齊食。龍蝦湯果突出，配搭蕃茄，鹹酸係口中起化學作用出奇地夾，配上稠糊狀態嘅牡丹蝦，口感豐富，難怪係餐廳嘅signature！第三道前菜係帶子，煎至70%熟以保持鮮嫩，中間開口塗問牛油果醬及蛋黃醬，以白昆布點綴。食法醬底部嘅黑松露醬汁
不經不覺同另一半行到第8個年頭，有藉口可以去食餐好！第一次到訪半島酒店嘅餐廳，揀咗高價位代表嘅Omakase。
環境
位於半島酒店商場B1層，都唔難搵，餐廳頗大，有2邊bar 枱，是日平日全場爆滿，我哋先前無request坐bar枱，雖然無得望住師傅serve，但卡位都坐得舒。
瀧TAKI $2280
Dinner 有3個選擇，揀咗中間價位，包括：
おつまみ3品・一品料理3品・鮨8貫・お吸物・デザート
おつまみ3品
おつまみ3品
60 views
0 likes
0 comments
即前菜3品，第一道前菜有蝦蛄刺身，即瀨尿蝦，來自北海道小樽市，以BB紫蘇葉及酸汁作調味，其做法同醬油蟹差不多，酸汁十分開胃，蝦蛄滑溜仲帶蝦膏。
おつまみ3品
14 views
0 likes
0 comments
おつまみ3品
19 views
0 likes
0 comments
一品料理3品
一品料理
0 views
0 likes
0 comments
石持，即香港稱的黃花魚，前一晚會先進行風乾，經風乾熟成，肉香更濃、味道更突出，魚身外乾內濕富有彈性，皮煎至脆身，最底有水菜，旁邊有九條蒽醬 ，鹹香更提鮮。
一品料理
0 views
0 likes
0 comments
平貝，平貝都係帶子一部份，再配以燒香過嘅日本烏魚子，以紫菜包住食，烏魚子香氣濃郁飽滿，食畢後炭燒味仲留係口中。
一品料理
4 views
0 likes
0 comments
沙甸魚卷，傳統做法，裏面包裹住醃黃瓜及蒽芽，油脂豐富，肉質肥美。
鮨8貫
自家漬物
23 views
0 likes
0 comments
先比自家漬物，有醋漬富士蘋果、姜及青瓜，我習慣食每貫壽司都會先食漬物清一清口腔。
鮨8貫
4 views
0 likes
0 comments
第二碟壽司為金目鯛及白蝦。先食金目鯛，表面燒香，色澤鮮紅，油脂含量適中。白蝦特別地配上竹炭粉，口感帶少許黏稠度，甜度高，竹炭粉有畫龍點睛之效，令整體無咁單調。
第三碟縞蝦及沖繩野生拖羅。縞蝦相當罕有，亦比較少香港人認識，其產卵較少，漁穫亦小，因此亦受日本保護，當造期係3月至 7月，味道十分清甜，似牡丹蝦加海蝦嘅味道，同時有creamy質感，超鍾意！沖繩野生拖羅，拖羅不必多介紹，油脂分布平均，近乎入口即化。
第四碟灸燒大拖羅、北海道海膽及玉子。拖羅刺身/ 灸燒大拖羅各有愛好者，我就兩樣都要！灸燒過將拖羅油脂再逼出，加上焦香，又係另一種感覺。北海道海膽嘅鮮甜無需要多講。估唔到玉子有啲驚喜，平時可能食得多廉價玉子，都係皺哂皮又嚡又死甜，呢到勁嫩，好似食燉蛋咁！
お吸物
お吸物
0 views
0 likes
0 comments
以高檔食材粒貝做熬湯，清甜解濟。
デザート
デザート
7 views
0 likes
0 comments
甜品係超有誠意😳自問都食過唔少Omakase，甜品通常以雪糕/布丁作結便完。呢到甜品係有3大份！
第一份係腐皮豆乳奶凍福袋，底部以白朱古力碎及杯芽襯托。以腐皮代替傳統雪糕筒，可以和應返豆乳奶凍，口感超脆，豆乳味濃郁。
第二份係成個盒咁上，裏面仲有4款，先食椰子冰條配焦糖朱古力醬，冰凍口感夏天食一流。艾草杏仁餅夾住黃豆粉buttercream 及黑糖蕨餅，椰子冰條硬嘅口感後再食呢個軟身杏仁餅，新鮮感會提升，味道亦唔太甜。之後再嚟凍食青提子沙冰，裏面有啫哩及青提子肉，以紫蘇花調味，所以呈紫色，紫蘇花味道重，令清淡沙冰帶有甘香。最後用愛知縣密瓜為禮盒作結。
以為完？錯啦！仲有最最後一份為Finishing 店家招牌之一黑芝麻朱古力，一間日本餐廳連朱古力都整埋，咁有誠意，呢餐絕對係享受。
Post
