Video
Read full review
2017-05-10
150 views
今晚同朋友一齊來到我最期待的鉄人旨花食晚飯，真的好開心啊！一入到門口已經可以感受到這間餐廳個份寧靜同舒適的感覺！餐廳分開了兩部分，一邊是壽司吧檯，一邊是鐵板燒檯。由於我們食鐵板燒，所以服務員安排我們坐去了鐵板燒檯那邊。餐廳以木、麻等自然顏色為主，配上裝飾的粉色櫻花，環境氣氛感到舒服。而且地方寬敞，座位之間不會太擠迫，可以好好放鬆心情咁享受食物的味道。一入坐服務員除了給我們餐牌外，還立即奉上熱茶、醬料，同幫忙放好餐具，真係服務周到仲好細心添！今晚我們選了食二人前的伊勢海老鐵板燒套餐，而且仲係廚師係我們面前精心料理，真係好正！好快先上沙律同手作前菜。沙律好新鮮，蔬菜清甜爽脆，加上滑溜的麻醬汁好醒胃！而手作前菜同平時見的紫菜卷不同，紫菜加煎蛋卷住秋葵、紅椒同紅蘿蔔等蔬菜，加上特製醬汁，咬落口感爽脆中帶軟，好fresh，食落好特別。而且顏色配搭吸引，令人睇落更開胃！先燒第一道菜-銀鱈魚，廚師先燒櫻花葉，瞬間就聞到淡淡櫻花香味，而且食落咸香兼脆卜卜仲帶有一股櫻花香，同裝飾環境用的櫻花好配合，好似置身櫻花中。然後燒銀鱈魚至金黃色，魚肉四邊都燒得香脆，但中間部分肉質食落依然好嫩滑同juice，而且保
由於我們食鐵板燒，所以服務員安排我們坐去了鐵板燒檯那邊。餐廳以木、麻等自然顏色為主，配上裝飾的粉色櫻花，環境氣氛感到舒服。而且地方寬敞，座位之間不會太擠迫，可以好好放鬆心情咁享受食物的味道。一入坐服務員除了給我們餐牌外，還立即奉上熱茶、醬料，同幫忙放好餐具，真係服務周到仲好細心添！今晚我們選了食二人前的伊勢海老鐵板燒套餐，而且仲係廚師係我們面前精心料理，真係好正！
沙律同手作前菜
15 views
0 likes
0 comments
好快先上沙律同手作前菜。沙律好新鮮，蔬菜清甜爽脆，加上滑溜的麻醬汁好醒胃！而手作前菜同平時見的紫菜卷不同，紫菜加煎蛋卷住秋葵、紅椒同紅蘿蔔等蔬菜，加上特製醬汁，咬落口感爽脆中帶軟，好fresh，食落好特別。而且顏色配搭吸引，令人睇落更開胃！
銀鱈魚（西京味噌醬）
13 views
0 likes
0 comments
先燒第一道菜-銀鱈魚，廚師先燒櫻花葉，瞬間就聞到淡淡櫻花香味，而且食落咸香兼脆卜卜仲帶有一股櫻花香，同裝飾環境用的櫻花好配合，好似置身櫻花中。然後燒銀鱈魚至金黃色，魚肉四邊都燒得香脆，但中間部分肉質食落依然好嫩滑同juice，而且保持鮮味。淋上香濃甜美的西京味噌醬同灑上顏色鮮豔，香氣十足，食落令人陶醉的食用玫瑰花，使銀鱈魚的色、香、味推到更高層次，不單三者之間味道好夾，連賣相都好吸引好靚！
海膽汁煮伊勢海老
15 views
0 likes
0 comments
登登登登～晚餐主角登場-伊勢海老，超新鮮又大隻，而且煮的時候仲識陏添，這次會以海膽汁煮呢隻龍蝦，真是超期待。廚師先將龍蝦放到鐵板上，一邊燒一邊拆肉，動作純熟而且流暢，好似睇緊表演。然後將龍蝦殼燒到紅色作為伴碟裝飾。再將龍蝦肉切件，加入由海膽汁同牛油煮成的醬汁一齊煮。
海膽汁煮伊勢海老
13 views
0 likes
0 comments
蕃茄凍湯
5 views
0 likes
0 comments
食完龍蝦，服務員即刻遞上一杯酸甜滋味的蕃茄凍湯，話食完咁濃味的龍蝦後，要清一清味蕾，再一次感受到呢間餐廳對食客的誠意。
燒牛扒菇、車厘茄、秋葵和A5和牛
9 views
0 likes
0 comments
接住就係食A5和牛，廚師用心將和牛燒成五六成熟再配上燒牛扒菇、車厘茄同秋葵，望到已經好想食。
燒牛扒菇、車厘茄、秋葵和A5和牛
3 views
0 likes
0 comments
炒飯
10 views
0 likes
0 comments
炒飯
11 views
0 likes
0 comments
唔好睇碗炒飯好似好平凡，其實用料豐富，一啲都唔馬虎，有煙肉粒、洋蔥粒和紅蘿蔔粒，當然唔少得雞蛋和大量青蔥，為炒飯增添豐富色彩，還有就是炒飯的主角，唔係用普通米，而係來自新潟的越光米，真係有驚喜。真估唔到炒飯都可以整得咁好食，米飯炒至金黃，粒粒分明，食落唔油膩，有嚼口，充滿蛋香，而且越食越香口，既滋味又滿足。
白魚湯
7 views
0 likes
0 comments
之前用來裝飾的龍蝦殼原來大有用途，就係用來煲呢碗白魚湯！白魚湯味道鮮甜，而且用料十足，除了有大量鮮菇和昆布外，還加入了頭先燒過的龍蝦殼，令味道更豐富，真是一啲都沒浪費。
櫻花甜茄啫喱和黑糖蕃薯雪糕
12 views
0 likes
0 comments
最後的甜品，簡直為今晚寫下完美的句號。有美到不得的櫻花甜茄啫喱同滿到爆黑糖蕃薯雪糕，可以看出呢間餐廳係甜品方面都係落足心機。
櫻花甜茄啫喱係粉紅色晶瑩剔透的啫喱上放上已剝皮的蕃茄，再加一朵小小的花，賣相相當精緻！蕃茄超甜，甜中帶微酸，凍食超爽，啫喱食落有淡淡的櫻花味，整體甜度適中。
而黑糖蕃薯雪糕，係幼滑的雲呢拿雪糕上放滿幾種不同顏色的蕃薯，再淋上甜蜜蜜的黑糖，令甜品賣相更出色。而味道方面，蕃薯食落香甜軟腍，還混合了提子乾同脆卜卜的粟米片，令口感非常有豐富，再加上沾滿黑糖的雪糕，真是別有一番風味。
今晚這餐果然沒令我失望，由餐廳內部環境，服務員的貼心的服務態度，廚師的用心烹調，最重要係食物的質素同味道都非常好，令人一食難忘！
Post
