鉄人旨花

Open Now

Now Closed

同事星期五約飯敘… 餐廳之位置確實係方便，成日都經開見到佢個招牌，而今晚真係上去試吓吖😂⋯⋯我叫左一個一人鐵板set around $8xx , 其實感覺整體上比較油（可能係我個人問題或者口味la🤪），食材就正常嘅，唔係特別出眾，個鐵板set 份量唔係太多, 就算食埋最後個黃金炒飯都未去到好飽!和牛粒正常發揮；魚都尚算唔錯；龍蝦ok 但得三粒仔；炒飯還算炒得乾身…. 其他野食就一般啦，最後食埋個雪糕作一個終結⋯⋯

朋友講咗好多次，食鐵板燒一定要食鉄人旨花，好啦，今次一於試試佢！我哋兩個人叫咗龍蝦鐵板燒，前菜沙律就一般啦，汁煮白鱈魚，係整得幾好食嘅，佢仲特登將個魚皮燒到脆卜卜 。跟住就主角「龍蝦🦞」，啲龍蝦肉超彈牙！真係好好味，本身龍蝦有新鮮，佢配埋海膽汁更加鮮味。然後一份黑毛A5和牛，唔好睇佢得三件，其實都幾漏，所以呢個份量啱啱好 。我覺得係幾好食，但係冇講到話係鐵板燒嘅天花板咁誇張，主要係呢度食材係好新鮮，佢哋整得又有心機，所以係好食嘅，至於性價比我就覺得一般，有少少偏貴，人均$2380+10%=2618，有少少名多於實。所以總括嚟講，味道唔差，只係呢個價錢都有好多選擇 。

Shika has been a favorite among locals for years, known for its impeccable quality and exceptional service. And guess what? They’re currently celebrating their 9th anniversary with a fantastic offer: half-price on selected set menus and complimentary lobster! Talk about perfect timing! 🥳🦞We ordered the Canadian Geoduck and Wagyu set for two, which was absolutely divine! 😍 Here’s a glimpse of our incredible feast:🔹 Handcrafted Appetizer: Lobster PouchesIndividually wrapped in delicate bean curd s

睇住師傅燒肉炒飯係一流享受！仲要樣樣都咁好食😋有好多款前菜比你開開胃。主菜尤其係龍蝦好鮮味，啲肉好彈牙🤤燒牛肉都燒得恰到好處，有入口即溶既感覺。雖然食到好飽，但個甜品見佢即席花左好多心機去燒麵包同整焦糖，果然女人有兩個胃！一下子就食哂。為成道菜畫上完美句號。不過都剩左少少炒飯😂但餐廳會幫你包到靚靚咁拎走🤭係一間會推介既鐵板燒！

我一直好想去食鉄人旨花嘅鐵板燒，今次難得去到點知鐵板燒full哂，所以決定改食Omakase 旨花 Shika $1580一開始會先奉上餐前小食鱈魚乾 - 燒魚乾🐟非常香脆，帶有魚香味😋。先付鮟鱇魚肝 - 魚肝🐟口感非常滑，味道濃郁，好豆腐咁嫩滑，入口即化🥰。甘露栗子 - 栗子🌰味道清甜甘香，口感粉糯🥰。合桃小女子 - 即係玉筋魚拌上新鮮合桃及白芝麻調製而成，甜中帶鹹唔膩口😍。生蠔配海膽選用了最當造係長崎縣華漣生蠔🦪，雖然唔算大隻，但非常鮮甜，上面放了口感幼滑，味道甘甜嘅紫海膽😋，口感豐富😍。刺身北海道象拔蚌 - 厚肉彈牙，配上梅醃車厘茄🍒和沖繩縣水雲，整體感覺非常清新又醒胃😋。針魚 - 口感軟滑，配埋魚籽、蔥花、芝麻，再蘸上酸汁一齊食🥰，味道非常融合，鮮甜可口😍。蘋果木煙燻中拖羅 - 配鬆脆的天婦羅紫蘇葉☘️，甜甜的西京柚子汁🍊及wasabi，味道及口感非常豐富😋。網燒煙燻鰤魚🐟，鰤魚魚肉肥美嫩滑，放在網上輕輕炙過🔥，逼出油份，更覺油脂豐腴，配上炸至香口的京蔥絲，淡雪鹽❄️和wasabi，入口即融，每一口都充滿煙燻及焦香味🥰，令人回味無窮。一品料理即炸鹿兒島沢蟹🦀，非常香脆，香箱蟹

有朋友去左食鐵板燒，純粹因為未試過既關係，所以就上openrice 搵下高評分既鐵板燒，Show出黎既係📍銅鑼灣的鉄人旨花第一位，咁就即時打去問下有無位，因為當時都已經係晚上7:30啦，有位WO，仲話可以坐係師傳睇精湛廚藝，不單止帶來美味佳餚，仲為我帶來鐵板燒初體驗。🔖蝦鐵板燒 二人前🥗沙律青瓜絲拌藜麥，估唔到好食開胃汁煮白鱈魚魚皮同魚肉分開煮，師傅將魚皮煎成脆片(好香好脆)，另一邊用蒜蓉洋蔥汁煮魚肉。先吃魚皮脆片，再吃魚肉，這樣就可以吃出兩種不同口感🍤龍蝦配海膽汁龍蝦正常SIZE大小，師傅手起刀落將龍蝦肉起出，淋上龍蝦羔海膽汁調味 忌廉汁蓮藕嘩~我好喜歡好喜歡好喜歡，要講三次🥩日本產A5黑毛和牛A5和牛油花分明，煎5成熟，有入口即溶感覺，簡單直接吃出和牛味道，不用加wasabi or炸蒜片都好好食，不得不說蒜片好香口。🍚炒飯用了日本米，粒粒分明，乾身不油膩。🍧甜品有靜岡蜜瓜和日本來的抹茶雪芭選擇，🍨抹茶雪芭好好味

位於銅鑼灣～方便同朋友慶祝的鐵板燒我哋早咗兩個星期訂枱同平時的鐵板燒一樣 都係坐喺枱邊望住師傅全程將新鮮嘅食材 一步步變成美食ヾ(´︶`*)ﾉ師傅好好人 同食客有不少溝通互動不過整體餐廳裝修 略為不夠精緻🤏🏻整體風格比較港式貼地 ，並非日式高級感〃🍽️活龍蝦刺身 （送）價值$880其實今次係我第一次食刺身龍蝦（如果唔想亦都可以揀熟食版本）一食落發覺超愛！完全冇任何腥味 好容易入口 口感好好雖然冇熟食嗰種咁香濃嘅龍蝦味但係成擺盤加埋啖啖新鮮嘅肉質 我會推薦大家都試一試用刺身形式食！〃🍽️北海道產A5和牛薄燒唔需要多講A5和牛本身已經好香加埋佢嘅醬汁同埋少少配菜 perfect match!〃🍽️原隻南非鮑魚原隻新鮮鮑魚喺我哋面前炮製短短時間唔知點解可以咁入味🥹〃🍽️ 洋蔥煮深海魚 ｜鐵板炒飯 ｜ 沙律蟹鉗前菜呢三樣稍為不是主角所以集合一齊講將魚皮整成脆乾身 好似食緊好香的炸魚皮 呢個真係超級有驚喜！！！依家講返都好想食😂😂炒飯前菜不過不失～ 成個用餐體驗好好絕對夠飽〃最後兩個人埋單$1340另加一有自備蛋糕但沒有被收切餅費～

朋友話想食鐵板燒，我一定會推介位於銅鑼灣嘅「鉄人旨花Shika Teppan-Yaki」，已經幫襯過幾次，一直很喜歡師傅的手藝，最重要係食材質素和環境，最近仲要推出一個好優惠嘅套餐，之前要成$3000先食到，而家二人前只需要 $ 1880就可以食到，優惠期有限，快啲去訂位啦👍🏻🌟迎春接福鉄板燒 二人前原價 $3080 起優惠價 $1880 ▪️時令手作前菜龍蝦福袋、用腐皮包住龍蝦肉和蝦膠製作的餡料，腐皮吸進醬汁的鮮味，龍蝦肉蝦膠非常難飲，再加上清甜嘅蘿蔔，味蕾瞬間打開▪️野菜 ～合桃、藜麥配上新鮮蔬菜沙律和酸醋汁，清新美味又健康▪️時令刺身三點刺身不得了，大拖羅、帶子配海膽、間八，款款高質素，肥美又鮮味▪️旬の魚料理洋蔥汁煮深海白鱈魚，魚皮煎得超級香脆，充滿鹽香，像食薯片一樣，魚肉外層焦香肉質細緻，伴上日式的洋蔥汁，令魚肉更鮮甜▪️鉄板海鮮五款選兩款活龍蝦1隻 / 加拿大象拔蚌85g/ 南非鮑魚2隻/日本大扇貝2隻/蘇格蘭蟶子皇4隻🦞西澳龍蝦配海膽龍蝦汁，睇住師傅將好生猛即龍蝦即時拆肉再烹調，大開眼界，龍蝦肥大肉厚，肉質彈牙，非常新鮮，伴上味道濃郁的龍蝦膏汁，好惹味🌟牛油蘇格蘭蟶子王蟶子王好大隻

今晚嘅鐵板燒大滿足🔥！首先啲和風沙律夠曬清新，青瓜絲爽口，加咗柚子酸汁，食到我呼吸都清新晒。跟住出場嘅龍蝦福袋真係讓我驚喜，手打龍蝦滑彈牙得嚟唔腥，好過癮！然後，洋蔥汁白鱈魚肉質嫩韌得黎唔膩，洋蔥汁嗰啖啖甜，真係吞咗雲吞咁滑溜嘅感覺。重頭戲到！原隻龍蝦配咗海膽汁，呢個呵！龍蝦肉厚實，啖啖肉香，海膽汁就再提升咗鮮味，正！日本A5黑毛和牛簡直軟得可以用鼻嗅都斷嘅，芥末同紅酒山揸汁等調味仲帶出佢嘅層次感～真心唔係蓋嘅。而且啲蒜蓉炒日本天白菇食落滑溜，咬落去有蒜香，夠曬味！當然少不了嘅和牛炒飯，炒得好有技巧，食落去口感正宗，每一啖都似在對味蕾喊加油。最後清靜嘅柚子雪葩同靜岡蜜瓜，完美咁平衡咗成晚嘅重口味，食完之後真係覺得自己食咗場鐵板上嘅藝術展覽。滋味滿分，過癮滿分，今晚真係夠晒痛快！👍🎉🥢

位於銅鑼灣的這家鐵板燒餐廳口碑極好，嚴格選用新鮮食材，不論服務或食物，都令人十分滿意，師傅廚藝精湛，為食客帶來多重感觀享受，適逢鉄人旨花九週年週年慶第二彈，餐牌半價X 再送活龍蝦活動，大滿足！🤍🧡🤍🧡🤍🧡🤍🧡🤍🧡🤍🥗手作前菜 蔬菜沙律-🦢匈牙利鵝肝質地外脆內軟，仲有麵包同埋藍莓醬解膩，鵝肝大件，鮮味十足， 10分邪惡！🐟日式洋蒽汁煮白鱈魚鐵板煎魚肉至外層金黃酥脆，再以洋蔥汁烹煮，落足心思，煮得啱啱好，魚肉嫩滑至極，真係唔捨得一啖食晒，洋蔥汁為呢道菜嘅味道同口感再進一步昇華！🇨🇦燒加拿大象拔蚌配山葵忌廉醬味道鮮甜！口感彈牙不韌！以山葵忌廉醬調味 更有層次感！🥬季節時疏🐮日本北海道產A5 和牛 厚燒我地叫左五成熟！不得不讚-A5和牛果然具有濃郁的肉香，有豐富油脂感！ 🍚鉄板炒飯配料有蛋、瑤柱、洋蔥粒同紅蘿蔔，好豐富！🍗自家鮮雞湯鮮甜至極，落足心機熬製而成！🍦抹茶雪糕

九周年大優惠，二人前半價！仲送活龍蝦刺段！立即gogogo!我地今日食既係南非鮑魚和牛二人前先黎一個龍蝦刺身，刺身鮮甜爽口，因為我地3個人，所以師傅拎左食大d既龍蝦比我地，上枱時d腳仲識旭架前菜有沙律（有青瓜的），我無影到之後有得選刺身或者鵝肝。刺身係三款刺身，每樣兩片。而我選左鵝肝鵝肝👍🏻深海魚，魚皮煎得好脆鮑魚好彈牙，加上生海苔忌廉汁，好夾香菇蒜香蔥花和牛薄燒，牛肪夠香食完，飽到死左P.S. 佢地個洗手間有漱口水比客人用完餐漱口😂

💁🏻‍♀️ 鐵人旨花本身已經是香港很出名的鐵板燒，今年他們九周年活動，好抵食！大家千祈唔好錯過。除了加拿大象拔蚌和牛二人前外，還有其他很多的鐵板燒套餐可以選擇。食材好新鮮，分量豐富多樣，相當有水準👍🏻 📋 加拿大象拔蚌和牛 二人前 五折$1690(原價$3380）◼️ 手作前菜▫️ 龍蝦福袋 -腐皮裏配上手打的龍蝦蝦滑，龍蝦尾肉味清甜，肉質結實彈牙。◼️ 蔬菜沙律▫️ 藜麥合桃和風沙律◼️ 時今刺身或匈牙利鵝肝▫️我就選擇了匈牙利鵝肝。匈牙利鵝肝西多士配上意大利黑醋蜜糖醬。鵝肝兩面煎香再配多士，外脆內軟入口即溶。◼️ 洋蔥汁煮深海魚▫️ 用了南極深海鱈魚煎到表面金黃色，肉質厚身結實，食落啖啖肉又有鮮味👍🏻魚皮兩面煎香，口感酥脆不油膩，令外配埋日式洋蔥魚汁。◼️ 燒加拿大象拔蚌配山葵忌廉醬▫️火喉控制得恰宜，象拔蚌口感保持爽嫩鮮甜。◼️ 季節時疏▫️ 蒜蓉炒花菇-菇味濃郁，再配以淡淡的蒜蓉香。◼️ 日本北海道產 A5 和牛 厚燒或 薄燒▫️選擇了厚燒及五成熟， 和牛油花分佈均勻，入口即溶，充滿油脂甘香。配了粉紅岩鹽、蒜片、酸酸甜甜的醬汁或是Wasabi，另外配菜還有羽衣甘藍跟日本甜番薯。◼️鉄板炒飯▫️ 使用日本香米炒，

今次為咗慶祝朋友生日，想食得豐富的，又見呢度買一送一咁抵，所以決定試吓呢一間食鐵板燒。價錢：$1500 兩位環境：位置坐得比較迫，有啲位置喺正走廊側邊，但係走廊比較窄，不過都可以接受。食物：刺身新鮮，不過不失深海魚，質感嫩滑，配合埋個汁，有驚喜👍佢送一份龍蝦🦞，可以揀刺身上或者鐵板燒，我哋揀咗鐵板，我覺得呢個係咁多樣入面最好食，龍蝦鮮嫩，多汁，同埋彈牙，食得出係新鮮嘅，配合埋個汁，回味無窮。南非鮑魚炒飯，炒飯粒粒分明，炒得夠乾身，平時麻麻地中意食飯既我，都全碗食哂。整體嚟講我覺得以鐵板燒黎講，都算抵食。

踏入12月特別多朋友生日同聚會今次慶祝朋友生日，專登揀左間香港人氣嘅鐵板燒係香港屹立多年，一直以水準質素見稱嘅鐵人旨花邊望住師傅烹調邊享用美食，係另一種高級享受而家仲係九周年祭，推出半價優惠之餘，叫套餐會送龍蝦，真係要適時識食！加拿大象拔蚌 和牛 二人前（$1690)手作前菜｜龍蝦福袋用腐皮包裹住龍蝦肉，配以日式調味，連前菜都誠意十足蔬菜沙律：藜麥合桃青瓜沙津時令刺身：三文魚、帆立貝、蟹鉗洋蔥汁煮深海魚師傅將鱈魚肉同魚皮分開處理，魚皮好有驚喜，煎到香脆好似薯片，而魚肉嫩滑多汁，加入香甜洋蔥汁，令魚肉更鮮燒加拿大象拔蚌配山葵忌廉醬象拔蚌火喉控制得恰宜，口感保持爽嫩鮮甜，而醬汁係師傅特調，同海鮮類好夾鐵板龍蝦（免費贈送）套餐贈送的新鮮活龍蝦，一點也不馬虎，蝦肉鮮嫩彈牙，配以龍蝦膏海膽汁蝦香味超濃，醬汁超高質季節時蔬｜蒜香花菇充滿蒜香的厚花菇，非常厚身，菇香濃郁日本北海道產A5 和牛薄燒和牛油花分明，師傅輕輕香煎再包裹香蔥同蒜片，入口油香豐富，蔥香蔥香令層次豐富鐵板炒飯每次看師傅製作炒飯都是享受，粒粒金黃分明，忍唔住食哂自家鮮鷄湯抹茶雪糕

知道鉄人旨花九周年祭大割引 提前預訂加拿大象拔蚌和牛二人前可享半價優惠 震撼價$1690🤩仲送澳洲龍蝦刺身或者鐵板燒 真係聽到都興奮🥳✨手作前菜前菜龍蝦福袋 選用手打龍蝦滑 鮮味十足✨蔬菜沙律合桃藜麥沙律🥗 配上醋汁 非常開胃✨時令刺身 刺身由帆立貝 油甘魚 松葉蟹腳組成 肥美鮮甜✨洋蔥汁煮深海魚南極白鱈魚🐟香甜嫩滑 用上大量洋蔥🧅煮成醬汁 味道更添甜美👍🏿龍蝦鐵板燒🦞龍蝦上枱一刻不停躍動 超級生猛😲用上蝦膏去炒 龍蝦肉沾滿醬汁 每一口令人垂涎欲滴🤤✨燒加拿大象拔蚌配山葵忌廉醬輕輕燒過的象拔蚌爽甜彈牙 配上山葵忌廉醬估唔到甘夾💓✨季節時蔬花菇用上2-3日時間去浸 口感軟腍 簡單用上蒜蓉炒 香氣四溢😮‍💨✨日本北海道產A5 和牛 厚燒或薄燒選了和牛薄燒 五成熟時間剛好 和牛飽滿肉汁 包裹著蔥花 放入口感覺滿滿幸福🥰覺得膩可以蘸上 紀州梅山楂醬或者醋酸汁 中和油膩感🫰🏻✨鉄板炒飯炒飯粒粒分明 鑊氣十足🔥✨自家鮮鷄湯鷄湯鮮甜美味 好滋補✨甜品抹茶雪糕 抹茶味香濃幼滑好好彩得到貓師傅大顯廚藝 品嚐到一頓稱心滿意鐵板燒☺️