Video
Read full review
2019-05-29
57 views
越簡單嘅材料越難整得好食，當然食材嘅新鮮度係整個味道嘅重要元素。成日覺得日本菜好難發揮得淋漓盡致，刺身個味道好裸露，係新鮮嘅就係新鮮，唔新鮮嘅就一眼望曬；至於日式炒野菜 菜，蔬菜味道本身就係咁，視乎廚師點樣將佢發揮烹調；和牛係日本嘅名菜，同樣地新唔新鮮睇顏色一眼就望到，烹調嘅時候煮過龍會唔軟稔，煮得生，又會出血🤨. 好多人都渴望食廚師發板，在我而言，食嘅係廚師即席喺你面前烹調嘅一份專業，毫無隱藏。呢一日有機會去到元朗小店食日式廚師發板，感受到嘅除咗係廚師對烹調嘅熱情，更加係佢對客人嘅一份誠意同執著。. 特上活龍蝦鐵板二人前$1980二人前餐食物款式相當多，超過十款，有海產、肉類、前菜沙律、小食，當然唔少得甜品。 餐點前先食新鮮野菜沙律。沙律入面有好特別嘅冰菜，叫冰菜因為上面有透明嘅小水點，食落上相當爽甜，展開咗味蕾。個人最鍾意嘅係北海道帆立貝。帆立貝係一樣唔容易烹調嘅菜式，煮得過耐就會變老，煮得唔夠又會太生，就正如英國名廚 gordon Ramsay 嘅節目入面，廚師都經常因為未能掌握帆立貝嘅烹調技術而被Chef Ramday鬧。帆立貝體積連埋殼比手掌還要大，驚炮製後嘅帆立貝仍然保留水
.
好多人都渴望食廚師發板，在我而言，食嘅係廚師即席喺你面前烹調嘅一份專業，毫無隱藏。呢一日有機會去到元朗小店食日式廚師發板，感受到嘅除咗係廚師對烹調嘅熱情，更加係佢對客人嘅一份誠意同執著。
.
特上活龍蝦鐵板二人前$1980
二人前餐食物款式相當多，超過十款，有海產、肉類、前菜沙律、小食，當然唔少得甜品。
餐點前先食新鮮野菜沙律。
沙律入面有好特別嘅冰菜，叫冰菜因為上面有透明嘅小水點，食落上相當爽甜，展開咗味蕾。個人最鍾意嘅係北海道帆立貝。
帆立貝係一樣唔容易烹調嘅菜式，煮得過耐就會變老，煮得唔夠又會太生，就正如英國名廚 gordon Ramsay 嘅節目入面，廚師都經常因為未能掌握帆立貝嘅烹調技術而被Chef Ramday鬧。帆立貝體積連埋殼比手掌還要大，驚炮製後嘅帆立貝仍然保留水分，充滿海水嘅鮮味，仲唔會過乾，挑戰廚師嘅烹調技術。.
餐牌上嘅黑毛豬同和牛，我揀咗後者。 香港人食和牛嘅機會真係好多，當然要煮一個出色嘅牛除咗要有靚牛，技術都好緊要。呢一度就具備曬呢兩個條件，所以整出嚟嘅牛入口即溶，保留牛嘅原汁原味。
.
白甘鯛好少有機會食到，都好少有機會見到。
黎到呢度我可能真係第一次食，魚嘅鮮味比其他銀雪魚或者其他類別更加重，而且煎到外皮香脆，肉質鮮嫩， 美味言不可喻。.
黃金炒飯，粒粒飯炒得金黃，被蛋包圍住，粒粒鮮明，分量適中，朋友係炒飯控，佢大讚呢一個炒飯嘅味道，更加顯出廚師嘅技術。
. 呢度連炒野菜同甜品都令我印象難忘。
前者嘅擺盤特別，放喺麵包上畀你，麵包嘅會幫你吸進多餘嘅油，同時感覺很特別。後者就充滿日本特色，一小件清潔整餐飯之後嘅味蕾，相當完滿。
Post
