Video
Read full review
2022-01-02
541 views
Baked Jackfruit Samosa $168雪糕筒只係個形狀，同味道無關。食落去好似我哋食嗰啲春卷，炸雲吞咁上下嘅口感。之前其實係用羊做嘅，唔知點解而家就轉左做大樹菠蘿，但係加埋啲印度香料都十分之好食！———Raj Kachori $128喺印度好常見嘅街頭小食，用脆嘅麵餅片包住大量嘅香料同豆蓉，上面加啲Yogurt。———Chaat Tandoori $798呢個烤肉拼盤個人覺得冇乜特別，都稍為有啲貴，肉質同口感同我哋覺得平時好食嘅烤肉有啲出入。———Lobster Tikka $1008同平時食開嘅龍蝦好唔同有好多香料好惹味但係又唔會食唔到啲龍蝦鮮味，好嘢！———Old Delhi Butter Chicken $268食個汁完全冇問題，舊雞就有少少鞋，食完呢個我就肯定CHAAT最出色嘅應該唔係處理肉類。但係個汁係掂嘅，唔會太辣，有啲甜同埋有啲蜜糖辣椒粉味。———Chocolate Praline Naan 呢個甜品十分之好食，有大量嘅榛子醬，但係又唔會太膩。———總括而言我唔肯定係咪一間地道正宗嘅印度菜，但一定係fancy嘅印度菜，裝修同埋啲餐具(啲餐具真係印度嚟㗎)都
雪糕筒只係個形狀，同味道無關。食落去好似我哋食嗰啲春卷，炸雲吞咁上下嘅口感。之前其實係用羊做嘅，唔知點解而家就轉左做大樹菠蘿，但係加埋啲印度香料都十分之好食！
———
Raj Kachori $128
喺印度好常見嘅街頭小食，用脆嘅麵餅片包住大量嘅香料同豆蓉，上面加啲Yogurt。
———
Chaat Tandoori $798
呢個烤肉拼盤個人覺得冇乜特別，都稍為有啲貴，肉質同口感同我哋覺得平時好食嘅烤肉有啲出入。
———
Lobster Tikka $1008
同平時食開嘅龍蝦好唔同有好多香料好惹味但係又唔會食唔到啲龍蝦鮮味，好嘢！
———
Old Delhi Butter Chicken $268
食個汁完全冇問題，舊雞就有少少鞋，食完呢個我就肯定CHAAT最出色嘅應該唔係處理肉類。但係個汁係掂嘅，唔會太辣，有啲甜同埋有啲蜜糖辣椒粉味。
———
Chocolate Praline Naan
呢個甜品十分之好食，有大量嘅榛子醬，但係又唔會太膩。
———
總括而言我唔肯定係咪一間地道正宗嘅印度菜，但一定係fancy嘅印度菜，裝修同埋啲餐具(啲餐具真係印度嚟㗎)都好值得去觀摩一下，絕對係十分值得去試一次嘅。但係你話有冇衝動好想去食第二次呢，咁又冇😅可能佢啲菜式唔會點變，Signature 大概都係嗰啲，又或者係香港人嘅口味掛。不過呢幾年冇得飛，入去食餐飯真係好似去咗個旅行咁樣，食完出返嚟嘅回歸現實啦……
Post