霸王山莊

Open Now

Now Closed

好耐冇食京川滬嘅嘢，今晚叫左宋嫂鮮魚羮$56魚羹內有竹筍絲木耳絲，帶出清爽嘅口感，魚羹稀杰適中，有一窩同一碗選擇。京蔥爆牛肉$135入口牛肉滑溜，帶出京葱嘅香，送飯一流。蒜子上湯浸翡翠苗$113蒜香的翡翠苗口感嫩(唔老)呢個季節啱食。上海粗炒$115白菜仔、椰菜絲、東菇絲嘅上海粗炒，質感彈牙亦唔油膩。山東手抓餅$44熱辣辣嘅手抓餅，入口鬆化而香口。前門街生煎鍋貼$52煎成脆底嘅鍋貼，咬落有肉汁，黎到點會唔叫黎食。雪城高力豆沙$58最後叫起嘅就係軟綿綿嘅高力豆沙，外皮口感鬆軟，豆沙蓉好香亦唔會太甜。