麵道 (Closed)

上次經過已經見排晒隊, 呢晚特別過黎再睇下, 時間尚早唔洗排, 但入座都8成了.呢度主要有幾種湯底, 有醬油豚骨, 海老豚骨,  雞白湯, 各有特式.仲有特式支裝飲品, 叫櫻花可樂, 由日本進口, 賣相都靚過人. 味道唔似可樂, 係酸酸甜甜, 好易入口.特盛义燒溏心蛋醬油豚骨湯拉麵, 有成4片大义燒, 落足料, 唔會太肥, 軟腍有口感. 湯底豚骨味濃, 唔太油.拉麵麵屬幼身, 好爽口, 硬度恰到好處, 份量亦剛剛好.要多款天婦羅無骨雞翼, 外面炸到好脆, 面頭仲有D炸蒜, 好香口. 以為一舊食, 原來餐廳好貼心已經切開一舊舊, 仲要無骨. 肉質嫩滑唔鞋, 幾入味.