Video
Read full review
2009-03-29
47 views
今日難得放假，點都要俾自已既胃口享受下。咁就同幾個老友去左呢度食，呢間都好巴閉，唔訂位都唔知要等幾耐。而且訂左位都剩係幫你hold一個字，所以book左位都要準時呀。另外，佢地會有食野既限時，一般都係一個鐘頭三個字。我地三個叫左兩個餐，金船長芝士漢堡、焦糖燉蛋同火焰雪山。餐湯分別係羅宋湯同忌廉湯。個羅宋湯都有濃郁既蕃茄味，但料就唔算太多。而忌廉湯就唔錯，個湯好夠味同好濃。絕對唔係"麵粉"湯。牛仔肉呢個唔錯既，肉夠淋之餘，肉味又夠。而且又唔會太熟或者太生，不過配菜既薯條就唔係太熱，可能係炸左薯條既緣故啦。辣肉醬天使麵個份量都幾多，肉醬酸酸地幾開胃。而天使麵又唔會太淋又唔會太硬，可見整天使麵要相當既技巧。話明辣肉醬，就應該辣辣地。點知唔食得辣既美女都唔覺得辣，可見個名有......金船長芝士漢堡絕對好食過某連鎖快餐店。個漢堡雖然唔算大份，但製作好認真。個牛肉都幾大舊，肉質juicy。而配菜既薯條係新鮮炸起，卜卜脆，好好味呀。焦糖燉蛋呢個係凍食既，個蛋味好夠，而且好滑。美女話熱食既都唔錯，但面頭既糖膠可能會溶哂。而俊男話想享受燉蛋既美味，應該糖膠面輕敲一下，糖膠同燉蛋一齊食先最好食。可
餐湯分別係羅宋湯同忌廉湯。個羅宋湯都有濃郁既蕃茄味，但料就唔算太多。而忌廉湯就唔錯，個湯好夠味同好濃。絕對唔係"麵粉"湯。
牛仔肉呢個唔錯既，肉夠淋之餘，肉味又夠。而且又唔會太熟或者太生，不過配菜既薯條就唔係太熱，可能係炸左薯條既緣故啦。
辣肉醬天使麵個份量都幾多，肉醬酸酸地幾開胃。而天使麵又唔會太淋又唔會太硬，可見整天使麵要相當既技巧。話明辣肉醬，就應該辣辣地。點知唔食得辣既美女都唔覺得辣，可見個名有......
金船長芝士漢堡絕對好食過某連鎖快餐店。個漢堡雖然唔算大份，但製作好認真。個牛肉都幾大舊，肉質juicy。而配菜既薯條係新鮮炸起，卜卜脆，好好味呀。
焦糖燉蛋呢個係凍食既，個蛋味好夠，而且好滑。美女話熱食既都唔錯，但面頭既糖膠可能會溶哂。而俊男話想享受燉蛋既美味，應該糖膠面輕敲一下，糖膠同燉蛋一齊食先最好食。可見香脆既糖膠同香湯既蛋係缺一不可既。
火焰雪山呢個甜品唔係太多地方有得食，侍應將酒點火，做出火焰雪山既效果。美男想捕捉火焰，不過佢捕捉火焰前，火焰已經無左啦。佢話咁樣好可惜。而我覺得蛋白好好食既，但蛋白唔夠脆。食左蛋白好耐，先食到朱古力蛋糕同雲呢拿雪糕。朱古力蛋糕都好好食，雪糕就好普通啦。唔知點解，會有哈蜜瓜粒。俊男、美女同我都認為呢個甜品麻麻地，我地都係貪得意先食。
整體上，食物都唔錯既，服務都有番咁上下。侍應成日幫我地加水，我去洗手間既路係比較滑，侍應們叫我地小心。呢說話都唔知有幾何會聽到，唔好睇小呢說話，呢關心既說話令我留下好深刻既印象。俊男同美女都話呢度食物同服務都唔錯，但環境就細左。雖然係咁，但我覺得間野太大會好難管理，而家都ok既。我地三個認為除左美味既食物外，可以一齊談下天下大事，呢樣野先重要。
Post
