Video
Read full review
2021-08-27
423 views
今日晏晝去咗食，唔知係咪下午茶時段冇乜人，員工都食緊飯。坐低揀咗一陣嗌左一個牛肉烏冬，另外想嗌多份小食但心大心細唔知揀炸雞定係雞髀好。咁啱隔離有個員工姐姐我就多口問句然後佢極力推介雞髀好食，咁我就聽佢講～嚟到先上咗個烏冬，第一啖試個湯底已經覺得好正，烏冬亦都係軟硬適中，牛肉分量足夠，紫菜都比得好多，下午茶$50呢個份量來講我覺得好唔錯下！順帶一提呢度餐具係要自己出去拎，浸水斟茶同埋有天婦羅碎提供當小食。嘢食好食還好食，我就老實嘅，啲餐具真係幾污糟下。啲杯同埋隻匙羹我起碼揀咗四五隻先搵到隻叫冇咁污糟。同埋仲有一樣野就唔太好，一路食緊嘅時候都聽到廚房員工冇乜禮貌，明明出面外場兩個員工放緊飯，然後入面係會喝出嚟，好大聲喺廚房入面大嗌「喂」，但佢哋唔會講做咩㗎，要啲員工親自行過去突個頭入廚房然後入邊嘅人就會吩咐佢哋做嘢。應該就唔係嗰別情況，食咗成餐飯around半個鐘入面就嗌咗出嚟四五次～～然後後尾就上咗雞髀🍗好食，肉質嫩滑，不過外面嘅皮有啲辣，餐牌上面冇寫嘅，唔係好食到。唯有就係唔食皮然後食肉，大大隻冇欺場！值得一試！最後埋單，發現呢度淨係收現金。服務員都好好，費事我行出去撳錢咁辛苦就幫我用
嚟到先上咗個烏冬，第一啖試個湯底已經覺得好正，烏冬亦都係軟硬適中，牛肉分量足夠，紫菜都比得好多，下午茶$50呢個份量來講我覺得好唔錯下！
牛肉烏冬
$50
39 views
0 likes
0 comments
順帶一提呢度餐具係要自己出去拎，浸水斟茶同埋有天婦羅碎提供當小食。嘢食好食還好食，我就老實嘅，啲餐具真係幾污糟下。啲杯同埋隻匙羹我起碼揀咗四五隻先搵到隻叫冇咁污糟。
同埋仲有一樣野就唔太好，一路食緊嘅時候都聽到廚房員工冇乜禮貌，明明出面外場兩個員工放緊飯
，然後入面係會喝出嚟，好大聲喺廚房入面大嗌「喂」，但佢哋唔會講做咩㗎，要啲員工親自行過去突個頭入廚房然後入邊嘅人就會吩咐佢哋做嘢。應該就唔係嗰別情況，食咗成餐飯around半個鐘入面就嗌咗出嚟四五次～～
然後後尾就上咗雞髀🍗好食，肉質嫩滑，不過外面嘅皮有啲辣，餐牌上面冇寫嘅，唔係好食到。唯有就係唔食皮然後食肉，大大隻冇欺場！值得一試！
雞髀
$28
36 views
0 likes
0 comments
最後埋單，發現呢度淨係收現金。服務員都好好，費事我行出去撳錢咁辛苦就幫我用現金比然後我轉數快俾佢！好有人情味
Post
