Video
Read full review
2022-01-27
2643 views
要喺香港食上海菜，幾年前成日都會去土瓜灣美善同道嘅上海美華菜館。自從冇再喺九龍嗰邊返工之後，要喺港島食到好味嘅上海菜，仲要價錢係可接受範圍之內，真係唔容易。最近同同事去咗灣仔嘅老上海飯店，估唔到有驚喜。疫情呢一排大家都知道生意難做，我哋搵咗好耐唔想去啲人流太多嘅舖頭，呢間唔係地舖，要搭扶手電梯先上到去。一上到去嘅時候發現企喺門口位嘅女員工同唔知經理定負責人，好好招呼即刻問幾位同埋招呼入座，都唔使點等位。佢哋仲會記得其他客人姓甚名誰，唔怪得知疫情都見有熟客捧場。環境就唔算裝修得好高級，但有勝在感覺夠樸實，有種懷舊味道。入正題，成餐飯印象最深嘅就係醉蟹，非常之入味，食入口嗰陣香味好難忘。最方便我呢啲懶人，唔使自己慢慢拆蟹，一早剪開晒先上碟上菜嘅員工都幾好態度其他菜都唔會好肥膩，幾啱我同同事，火腿津白清得嚟又唔會冇味最衰疫情冇得一大班人嚟食，如果唔係除翻開都幾抵。有啲戥佢地可惜，撞正新年冇得一家大細幾代同堂嚟食返餐團年飯慶祝。食物質素唔錯，員工都ok nice，多得同事介紹，下次會帶埋屋企人再嚟～
最近同同事去咗灣仔嘅老上海飯店，估唔到有驚喜。疫情呢一排大家都知道生意難做，我哋搵咗好耐唔想去啲人流太多嘅舖頭，呢間唔係地舖，要搭扶手電梯先上到去。
一上到去嘅時候發現企喺門口位嘅女員工同唔知經理定負責人，好好招呼即刻問幾位同埋招呼入座，都唔使點等位。佢哋仲會記得其他客人姓甚名誰，唔怪得知疫情都見有熟客捧場。
環境就唔算裝修得好高級，但有勝在感覺夠樸實，有種懷舊味道。入正題，成餐飯印象最深嘅就係醉蟹，非常之入味，食入口嗰陣香味好難忘。最方便我呢啲懶人，唔使自己慢慢拆蟹，一早剪開晒先上碟上菜嘅員工都幾好態度其他菜都唔會好肥膩，幾啱我同同事，火腿津白清得嚟又唔會冇味
最衰疫情冇得一大班人嚟食，如果唔係除翻開都幾抵。有啲戥佢地可惜，撞正新年冇得一家大細幾代同堂嚟食返餐團年飯慶祝。食物質素唔錯，員工都ok nice，多得同事介紹，下次會帶埋屋企人再嚟～
醉蟹
100 views
1 likes
0 comments
黃金大餅
70 views
0 likes
0 comments
火腿津白
65 views
0 likes
0 comments
Post
