新興食家

Open Now

Now Closed

其實我哋都唔係第一次幫襯新興食家，上次幫襯之後一直都好想再試，不過是隔咗幾個月先至可以嚟呢度再試。上次食咗好多點心，覺得好好味，今次就專登再叫多D上次冇食過嘅。首先就係呢度特有嘅春蛋燒賣，我真係未喺其他地方見過，呢一個係來新興食家必試嘅點心另一個必試就喺呢度黃金金錢肚啦，金錢肚個質地好軟滑，同呢個咖喱醬好夾。蝦餃就食得多但係金菇瑤柱蝦餃你有冇試過呀，呢一個蝦餃你係呢度嘅特色嚟嘅咬落去啲金菇瑤柱同蝦都好夾好彈牙。流心奶黃包又係另一道必試，流心蛋黃甜得來不溜，熱熱流心，係人間美食啊。最後講一講呢度嘅人情味，呢度嘅員工係好熱心，我哋出去攞點心嘅時候冇攞托盤，個傳送嘅姐姐就溫馨提示我哋要小心啲蒸籠好熱，連登佢攞個托盤俾我哋添。另外我亦都見到佢哋會為其他食客預備外賣，仲問埋佢哋幾點嚟攞等佢哋可以預時間煮，將新鮮煮好嘅餸菜比食客，呢一個服務我就覺得非常一流啦。