星廚 (Closed)

相約朋友到星廚食飯,由太子站C2出口來到星廚只需5分鐘之內,其實都十分方便。西式的食物但餐廳的風格是偏向茶餐廳路線,侍應們是親切的女店員。中午時間比較多附近的街坊光顧,我一看餐牌大約明白了為什麼會吸引這麼多人了,因為價錢合理而且選擇多,仲無加一!!就算唔係叫set餐,感覺都可以接受的價錢。是日餐湯:蘑菇忌廉湯,入口正常,唔會太鹹,幾好飲。蒜茸汁豬扒意粉,芳香撲鼻,豬扒有兩大件,份量大方,意粉炒得香口而且軟硬適中,豬扒汁濃味而且不"鞋"口,味道絕對收貨仲叫左個清酒煮蜆,目測約有十多粒,大小相約,唔會細到無肉食,一d都唔隨便的小食,味道清清地,無腥味。set餐跟雪糕,今日是cookie口味,食完真係夠滿足。相宜的價錢難怪會坐滿客人了,星廚果然值得一試,從中感受著悠然時光和日漸欠缺的人情味。