NUMBER 8 FUSION BURGER

Open Now

Now Closed

就咁睇名，會以為佢淨係食burger。其實佢係一間印尼菜。根據美食網頁搵到呢一間大坑餐廳，原來係主力做”到會”服務，幸好現場都有少量座位，而且係有冷氣嘅。水滴漢堡當然係佢嘅主力之一，咪睇佢細細份，原來食落都幾飽。不過食完我會覺得佢嘅主力其實係唔同嘅調味醬。聽呢度個姐姐講，舖頭其實有千幾呎，而廚房入邊就係工場，即時煮出唔同嘅調味料。漢堡嚟講，芝麻醬同柚子醬都相當不錯。更加特別嘅，係佢嘅印尼沙律。辣辣地又好清新，我最鍾意係青瓜同花生。個醬好明顯係自己整，唔係買返嚟。我哋仲叫咗印尼小食拼盤。同泰國菜嘅串燒唔同嘅係…都係醬！芭東醬同森巴醬好味到可以用嚟點薯條。最後一定要提佢杯柚子梳打，柚子新鮮到不得了，十足新摘落嚟嘅水果。