老虎堂黑糖專売 (T.O.P This is Our Place)

Open Now

Now Closed

陪她去大角咀睇示範單位，明明食完午飯，她點都要行過黎旺角，話要試新開嘅人氣飲品喎！個個女人都係咁，是但啦陪下她。好彩條龍唔係長否則我實拖她走！排左十分鐘唔夠已行到去收銀位！不過點完杯野後要等幾十個號碼，唉，惟有周圍行下先。逛左十五分鐘左右再行返去，杯野飲終於到手，她點左虎虎生風厚鮮奶，話係大、細珍珠撈埋黑糖一齊，加入鮮奶，再加濃厚鮮奶打成稠身放喺面！不過唔明點解個稠奶喺面，但又要搖匀先飲... ...飲落都係甜嘅奶，她猛話好飲，又話黑糖味香濃，又話大、細珍珠好咬口... ... 我個人覺得，都可以啦，咪又係杯甜奶，但係而家啲野飲成三十蚊杯都幾貴，仲要兩個人前後十分鐘不夠就一陣風咁飲哂杯野。不過只要她開聲，我點都會盡量陪她的。