Seoul Noodles

Open Now

Now Closed

近排呢間大排長龍嘅人氣韓式麵食店開到嚟旺角啦👍🏻《Seoul Noodles 首爾製麵所》主打地道韓式刀削麵，用上傳統技藝製作麵糰，再搭配多款湯底，餐廳由韓國老闆主理，將傳統韓式刀削麵帶到香港，每日新鮮製作麵糰，麵身彈牙有嚼勁好不容易咁喺午餐嘅時間排到隊入座😋我哋叫咗個Combo for two - 2️⃣款湯麵或湯飯，2️⃣款小食，1️⃣款肉食，呢個set都幾抵食，可以試到唔同嘅食物：🔸排骨辣湯麵 🔸湯底微辣🌶️惹味，麵條掛湯，份量都幾多有4️⃣大嚿排骨，沾咗辣湯更加惹味，湯麵會附送小碗韓式辣椒醬拌飯以及2️⃣款小食辣泡菜及辣蘿蔔，食物份量都幾多，男士都一定夠飽😋🔸牛骨湯麵🔸湯底雖然清澈，但飲落香濃牛骨味，鮮甜而不膩，麵條有口感，配有薄牛肉片、蛋絲、蔥絲及蒜片等等👍🏻🔸泡菜餃子🥟🔸拳頭咁大個嘅餃子🥟，皮薄餡料多，少少辣味嘅泡菜加豬肉餡料，可以2份share嚟食都夠🔸迷你紫菜包飯🔸有6️⃣件迷你飯團，紫菜飯團有蟹柳，蘿蔔及酸瓜，一口一個，味道清新🔸菜包肉🔸肥瘦分明，可以搭配泡菜或醬汁享用🔸凍梅子茶及甜米露🔸凍梅子茶酸酸甜甜，飲落冰涼開胃甜米露有好香嘅米味道，少少甜味道清新