Video
Read full review
2024-11-05
219 views
Ⓒⓡⓐⓩⓨ ⓒⓗⓘⓒⓚⓔⓝ 🐔呢個店名真係勁搞笑啊，但係都好配合食物主題：花膠嫩雞煲，餐廳裝修走簡潔路線，一入去就見到每一台都有小火爐熱住個湯，保證每個米線都熱辣辣！🥢💛招牌癡花膠雞濃湯米線 $68（加$10稻庭烏冬 ）呢間店最特別係個湯底，顏色以奶白色滲透少少黃色雞湯為主，面頭散發着雞油嘅光澤，入面勁足料：花膠、木耳、蟲草花，仲有若隱若現嘅椰香味，呢個特別濃郁湯底配咩都適合，入面雞件亦好嫩滑，建議可以加錢轉雞髀，更加可以享受啖啖肉嘅滋味！店家好貼心，烏冬分湯上，烏冬本身已經過煮理，整返熱就食得，配合入面香滑花膠同雞肉真係好滋味，另外個湯以小火爐保持熱度，令到雞油唔會凝固，雞湯越煲越充滿香氣，真係好聰明嘅做法！💛藥膳黃酒雞花膠米線$68(可改米粉/上海麵/薯粉)2個湯底各有千秋，藥膳除咗有基本招牌雞湯味道，仲加咗大量紅棗，飲落去甜甜地，大家唔使擔心，完全無藥材嘅苦味同酒味，感覺滋補又養身，味道亦都幾特別！呢度仲有不同小食 🧡明太子雞翼 （2隻）$36🐔明太子香味好濃郁，一啲都唔辣，香脆雞翼炸到外皮有少少焦香味，都可以一試！✨如果凍冰冰食呢個花膠湯真係超級正，好適合冬天再過嚟幫襯，當日都
🐔呢個店名真係勁搞笑啊，但係都好配合食物主題：花膠嫩雞煲，餐廳裝修走簡潔路線，一入去就見到每一台都有小火爐熱住個湯，保證每個米線都熱辣辣！
🥢💛招牌癡花膠雞濃湯米線 $68
（加$10稻庭烏冬 ）
呢間店最特別係個湯底，顏色以奶白色滲透少少黃色雞湯為主，面頭散發着雞油嘅光澤，入面勁足料：花膠、木耳、蟲草花，仲有若隱若現嘅椰香味，呢個特別濃郁湯底配咩都適合，入面雞件亦好嫩滑，建議可以加錢轉雞髀，更加可以享受啖啖肉嘅滋味！
店家好貼心，烏冬分湯上，烏冬本身已經過煮理，整返熱就食得，配合入面
香滑花膠同雞肉真係好滋味，另外個湯以小火爐保持熱度，令到雞油唔會凝固，雞湯越煲越充滿香氣，真係好聰明嘅做法！
💛藥膳黃酒雞花膠米線$68
(可改米粉/上海麵/薯粉)
2個湯底各有千秋，藥膳除咗有基本招牌雞湯味道，仲加咗大量紅棗，飲落去甜甜地，大家唔使擔心，完全無藥材嘅苦味同酒味，感覺滋補又養身，味道亦都幾特別！
呢度仲有不同小食
🧡明太子雞翼 （2隻）$36
🐔明太子香味好濃郁，一啲都唔辣，香脆雞翼炸到外皮有少少焦香味，都可以一試！
✨如果凍冰冰食呢個花膠湯真係超級正，好適合冬天再過嚟幫襯，當日都要排隊30分鐘左右，不過都值得等，因為性價比都幾高！
Post
