Video
3-min walk from Exit C2, Prince Edward MTR Station
continue reading
Telephone
92212245
Introduction
花膠雞米線專門店
continue reading
Opening Hours
Today
11:30 - 21:30
Mon - Sun
11:30 - 21:30
Above information is for reference only. Please check details with the restaurant.
🐔熊妹今日放假，就預留同阿豬媽周圍食下野行下街，帶住阿豬媽過人世。📌到去旺角太子附近，食左個便飯再去瘋狂shopping吧！天氣入冬❄️，食啲湯湯水水熱辣辣的野最適🈴不過。見到間小店《癡膠雞》中午時段門口好多人排隊🚶🏻🚶🏻♀️，原來$60-$80就食一碗花膠雞米線，咁熊妹同阿豬媽都排埋一份喇。招牌花膠雞，$58招牌花膠雞當然先點一份喇！係一個一人熱爐呈上，爐下面有熱火🔥一直燃燒著鐵鍋🍲，保持住雞湯的温度🌡️，熱辣辣，唔會因為天氣冷而凝固了花膠雞湯，非常貼心的做法💞！花膠雞鍋入面有三舊花膠，好有膠原，唔係便貨煮溶煮碎了，雞肉用上雞貌位，有4-5件，一直在鍋內熱著超嫩滑，而且膠湯吸進雞油精華✨，飲落好補身，成件事确實夠哂份量，$58食到咁滋補養生的食物，係抵到爛！豬肚咸菜重慶酸辣粉，$48食酸辣粉最緊要個湯底，食得辣的阿豬媽點選了中辣🌶️，係夠辣但又唔會放入口喎！辣得來唔會過濃味唔重味精，同時酸味都好出，加埋豬肚咸菜做配料，更提升酸味，起初還擔心配撘不對🤭。麻辣豬耳，$38阿豬媽話要好想食麻辣豬耳仔👂！唔好以為小食一碟，份量好足喎！全部都係耳仔心部位，唔係側邊肥豬肉位，重點係用的麻辣椒油係好夠辣！辣得好過癮！絕對值得推介！五香牛𦟌，$46五香牛𦟌好淋，五香醬汁好夠味，片片好濕潤佔滿醬汁，當加餸好🈵足。凍檸茶，跟餐價，加$6📌簡簡單單又一餐，兩碟小食兩個主食都唔洗$200，仲有真材實料花膠食，難怪lunch time 放飯時間擺哂長龍。
continue reading
今日太子搵食. 因為我都係個飲湯怪. 勁鍾意飲湯.有間幾出名食雞濃湯嘅小店. 小店環境乾淨整潔，座位寬敞。朋友話佢地一到食飯時間,人龍就出現. 我就決定早少少唔使熱死辣辣喺隊排隊. 12點左右到已經有兩枱客. 坐低左姐姐俾個QR CODE 自助落單. 藥膳黃酒雞湯米線 $68每款湯米線都會有個小火爐 ,俾你邊食邊煮個湯底. 可以一直飲到熱辣辣嘅湯, 湯一定要滾熱辣咁飲先正. 加分! 米線分開上. 一盆勁香醇酒味嘅湯底就喺火爐都繼續加熱. 濃郁藥材味. 內裡用料足紅棗當歸川芎木耳滋補藥材。雞件勁多而且好滑好出色 , 仲有花膠4-5塊，真係估唔到咁多料. 個湯好香濃鮮美, 米線Q彈, 最後我係飲曬D湯. 麻藥雞伴麵 $58 呢個係紙 Menu 無, 要喺QC 落單到先見到. 朋友想試下特別野. 真係有驚喜. 一大隻雞脾上. 勁香嘅麻油味. 麻辣豬耳 $38 — 外脆內嫩, 口感爽脆彈牙，加秘製麻辣醬汁，好惹味。金磚豆腐 $42 — 熱辣辣 金黃酥脆 外脆內軟， 內裡好軟滑。 癡膠雞 (太子)地址: 太子荔枝角道78-84號勝興樓地下D號舖
continue reading
癡膠雞 • 太子太子呢一間米線喺幫襯前已經見到大排長龍，非常有人氣，我哋都足足等咗差唔多半個鐘先入座。上次幫襯時對呢間舖頭嘅雞湯印象深刻，有鮮味而且香氣四溢，今次再次幫襯✅ 招牌花膠雞濃湯米線 🍜呢款湯底除咗雞味濃郁，而且加入咗女仔至愛，充滿骨膠原嘅花膠，花膠厚身，食落好有滿足感，湯底仲加入咗紅棗、蟲草花、雲耳，非常豐富✅ 椰子雞濃湯米線 🍜椰子湯底比較清甜，有淡淡椰水的香味，湯底好味到我食完米線都飲咗一半湯。雞肉嫩滑，鍾意食雞髀嘅朋友亦可以轉髀。✅ 黐膠肥牛 🐮餐牌寫明足半磅肥牛，上碟時份量應該都有2-3人份量，肥牛加入少少香油醬油調味，好食
continue reading
今日得11度，冷到入心入肺，梗係要搵返啲暖笠笠嘅嘢食！朋友介紹咗太子嘅癡膠雞，話佢哋嘅米線又暖胃又滋補，於是衝去試下。雖然排咗30分鐘隊，但真心值得！一坐低，即刻落單！招牌癡花膠雞濃湯米線（$68）我哋試咗招牌癡花膠雞濃湯米線，湯底濃郁得嚟有天然雞味，加埋彈牙嘅花膠，超級滋補！雞肉都好嫩滑，一啲都唔鞋。米線連住個火爐一齊上枱，煙韌嘅米線配埋滾住嘅熱湯，超暖！最重要係，湯底完全冇味精，飲得健康又放心。 胡椒豬肚雞米線（$60）另一款胡椒豬肚雞米線亦好正，胡椒味辛香滲透湯底，豬肚煮得又腍又入味，飲咗整個人都暖晒！癡膠肥牛（$52）我哋仲加咗一份小食癡膠肥牛，肥牛俾足半磅，底仲有白蘿蔔，肥牛吸滿湯汁，每口都係滿滿嘅精華，真係一流！ 雙檸樂（跟餐+$12）、凍檸茶（跟餐+$6）飲品方面，點咗雙檸樂同凍檸茶，酸酸甜甜，啱晒解膩！ 整體嚟講，癡膠雞真係天寒地凍必去嘅好選擇，食物又暖胃又健康，湯底無敵！下次一定再嚟試其他菜式！
continue reading
排半個幾鐘，食45分鐘。叫左個招牌米線花膠雞，兩塊花膠仔好似酒樓雞扎入面舊魚肚咁細舊，啲肉又少，食完完全唔覺飽重要未食完個店員就話要收我地個爐，好似吹緊我哋走咁。環境方面，餐枱有點太細，我們三個人嗌咗三個煲，上完野食張枱幾乎無位。另外嗰日間舖頭見到有三個後生女同個店員有口角，眼見有一個女仔成身濕晒，估計係個店員倒瀉咗啲嘢落去，坐喺一邊聽聽到個女仔叫個店員道歉，但個店員一直都唔肯。整體嚟講感覺呢間舖頭唔係賣食物質素，亦都唔係賣服務質素，只係賣gimmick，有個火鍋煲吓咁嘅噱頭。好失望，試完一次絕對唔會再食下一次
continue reading