Video
Read full review
2023-11-13
1037 views
厚福街係尖沙咀美食集中地之一, 今晚去咗一間食沾麵嘅小店---「元祖沾麵專門店」, 估唔到食咗一次就令我愛上!!餐廳面積不大, 座位亦唔算闊落, 不過簡單食個沾麵需時唔太耐, 可接受。沾麵款式多, 每款亦可額外加錢升級追加配料, 每Order沾麵, 可以優惠價$16追加$29嘅飲品, 有數款口味嘅波子汽水選擇。每款沾麵都以石鍋裝住熱辣辣沾汁送上, 熱得有如溫泉咁仲起緊水泡。我地order嘅沾麵除咗沾汁外, 其他配料都係一樣,麵底分開上, 常溫一大碗, 麵條粗, 煙韌彈牙,每碗有三塊帶有焦燶香口嘅日式叉燒、軟滑流心嘅溏心蛋、竹筍同紫菜…豚肉魚介沾麵:豚肉魚介沾汁中有好幾粒豚肉角, 將麵條沾上沾汁, 鹹香惹味, 超正!沾汁仲可以免費無限添加!最後食完整個沾麵, 店員再加入木魚湯於餘下沾麵汁中, 比食客飲用, 味道有如淡味嘅味噌湯似的。原隻極上芝士蟹皇豚肉沾麵:呢款沾汁完全滿足芝士+海膽控嘅我!!上檯時個沾汁已經散發陣陣芝士香。沾汁容易掛汁, 芝士味濃郁又唔會過鹹, 將麵條沾上芝士沾汁食, 真係夠晒邪惡!! 而且沾汁中仲加咗海膽, 甘香美味。另外仲跟咗個燒芝士蟹蓋, 蟹蓋中有日本松葉蟹膏同埋
餐廳面積不大, 座位亦唔算闊落, 不過簡單食個沾麵需時唔太耐, 可接受。
沾麵款式多, 每款亦可額外加錢升級追加配料,
每Order沾麵, 可以優惠價$16追加$29嘅飲品, 有數款口味嘅波子汽水選擇。
每款沾麵都以石鍋裝住熱辣辣沾汁送上, 熱得有如溫泉咁仲起緊水泡。
我地order嘅沾麵除咗沾汁外, 其他配料都係一樣,
麵底分開上, 常溫一大碗, 麵條粗, 煙韌彈牙,
每碗有三塊帶有焦燶香口嘅日式叉燒、軟滑流心嘅溏心蛋、竹筍同紫菜…
豚肉魚介沾麵:
豚肉魚介沾汁中有好幾粒豚肉角, 將麵條沾上沾汁, 鹹香惹味, 超正!
豚肉魚介沾麵
39 views
0 likes
0 comments
沾汁仲可以免費無限添加!
最後食完整個沾麵, 店員再加入木魚湯於餘下沾麵汁中, 比食客飲用, 味道有如淡味嘅味噌湯似的。
原隻極上芝士蟹皇豚肉沾麵:
呢款沾汁完全滿足芝士+海膽控嘅我!!
上檯時個沾汁已經散發陣陣芝士香。
原隻極上芝士蟹皇豚肉沾麵
69 views
0 likes
0 comments
沾汁容易掛汁, 芝士味濃郁又唔會過鹹, 將麵條沾上芝士沾汁食, 真係夠晒邪惡!! 而且沾汁中仲加咗海膽, 甘香美味。
另外仲跟咗個燒芝士蟹蓋, 蟹蓋中有日本松葉蟹膏同埋蟹肉碎, 金黃芝士佈面, 鹹香芝士配埋甘甜蟹膏, 味道甘香鮮甜, perfect match啊! 而且伴碟嘅沙律菜上, 仲加咗大量蟹籽, 再豐富咗口感層次。
Post
