古今二 (觀塘工業中心)

Open Now

Now Closed

今日早收工就過左去接男朋友收工，然後就去左附近一間人氣創意卷物店撐枱腳！觀塘嘅古今二係本店，真係細細個就聽過呢間觀塘嘅人氣餐廳，而家仲開多咗好多分店！柚想蝦你沙律（$98）新鮮又豐富嘅前菜，有沙律菜、海草、車厘茄、蘋果、柚子、蟹子、牛油果、甜蝦，加上酸酸甜甜嘅柚子汁，非常開胃！蜘蛛（$98）紫菜飯卷入面包住炸軟殼蟹、青瓜、牛油果，軟殼蟹非常香脆，而青瓜同牛油果就平衡返個油膩感，另外仲淋左類似鰻魚汁嘅甜醬汁係面，唔洗蘸豉油都好多夠味忘不了您（$96）個人好鐘意呢款卷物，主要成份係芒果、炸牛肉同芝士，味道層次好豐富，先係卷物面頭既惹味刺激wasabi沙津醬同鰻魚汁，咬落就會慢慢食到芒果嘅香甜同芝士加炸牛肉嘅香，真係食過先知！豚肉泡菜鍋（$138）想食多啲菜，所以叫多個火鍋，豚肉正常發揮，香辣泡菜加上娃娃菜、金針菇、洋蔥，湯底幾惹味！原本仲想叫名物火山🌋但食左兩個卷物同火鍋真係太飽，惟有留返下次再嚟食過！