Video
Read full review
2022-01-27
269 views
板燒吉列牛 - 晚市定食 ($156) 傳說中人氣高企嘅吉列牛！牛肉份量夠多、夠厚，上枱嘅時候已經預計到完食嘅滿足感～牛肉顏色紅中帶白、油脂分布均勻，可惜牛味未算突出，要加埋醬汁或飯素食先夠味。牛肉肉質唔會太乾太嚡，自行燒至啱口味嘅生熟程度即可，唔會太難控制。燒肉嘅途中店員都好貼心咁留意夠唔夠大火，再幫忙調整。炸衣厚度、脆度都適中，食落有少少油脂泌出黎，整體口感豐富！.溏心蛋滷得入味（比一般嘅溏心蛋更濃），仲比咗完整一隻蛋而唔係半隻，加分！湯品係餐牌上寫明係日式大根湯，不過飲落似係味精湯多啲⋯質素一般，無飲哂呢߹ 𖥦 ߹.❍ today’s order板燒吉列牛($118) + 晚市定食(+$38 包括日式大根湯、秘之飯素、楓糖溏心蛋）.❍ 用餐提示餐廳人流較多，繁忙時間黎到多數都要排隊等位，如果想避開晚市人潮建議早少少(before 630pm )黎食呀。.另外店舖嘅櫃凳設置都比較逼，同隔離枱距離好近。通風較差導致室內油煙大到有少少攻鼻。而且餐廳神奇地好似有擴音裝置咁，到訪當日其他客人都係以一般聲量傾計，但都顯得比較嘈，約朋友黎聚餐就未必可以好舒服咁傾計嘞（加上太多人等位都唔好意思坐
傳說中人氣高企嘅吉列牛！牛肉份量夠多、夠厚，上枱嘅時候已經預計到完食嘅滿足感～牛肉顏色紅中帶白、油脂分布均勻，可惜牛味未算突出，要加埋醬汁或飯素食先夠味。
牛肉肉質唔會太乾太嚡，自行燒至啱口味嘅生熟程度即可，唔會太難控制。燒肉嘅途中店員都好貼心咁留意夠唔夠大火，再幫忙調整。炸衣厚度、脆度都適中，食落有少少油脂泌出黎，整體口感豐富！
.
溏心蛋滷得入味（比一般嘅溏心蛋更濃），仲比咗完整一隻蛋而唔係半隻，加分！湯品係餐牌上寫明係日式大根湯，不過飲落似係味精湯多啲⋯質素一般，無飲哂呢߹ 𖥦 ߹
.
❍ today’s order
板燒吉列牛($118) + 晚市定食(+$38 包括日式大根湯、秘之飯素、楓糖溏心蛋）
.
❍ 用餐提示
餐廳人流較多，繁忙時間黎到多數都要排隊等位，如果想避開晚市人潮建議早少少(before 630pm )黎食呀。
.
另外店舖嘅櫃凳設置都比較逼，同隔離枱距離好近。通風較差導致室內油煙大到有少少攻鼻。而且餐廳神奇地好似有擴音裝置咁，到訪當日其他客人都係以一般聲量傾計，但都顯得比較嘈，約朋友黎聚餐就未必可以好舒服咁傾計嘞（加上太多人等位都唔好意思坐咁耐），比較適合快快趣食一餐。
Post
