Seoulmate (MONTEREY Place)

Open Now

Now Closed

之前黎過一次，覺得食物造型好靚之餘，味道都好好，今次一早book定餐廳的打卡鞦韆位😍影相一流👍🏻今次黎見到有個冬日期間限定menu, 叫左兩款試下。北海道鱈場蟹海鮮煲$238好足料，鍋蓋都蓋吾晒😂有五隻鱈場蟹腳，肉質幾鮮甜，仲食到海水味😆另外仲有三隻大蝦，三隻藍青口，豆腐，香菇，蔬菜等。湯底係自家制龍蝦湯，幾濃郁比較杰身，飲完吾覺得頸湯👍🏻餐廳幾細心，仲有剪刀同濕紙巾提供，食蟹冇難道🫶🏻芝士泡菜焗生蠔$128估吾到焗蠔都可以用芝士泡菜😆味道又幾夾喎。值得一贊係隻隻蠔都幾肥美飽滿，好鮮味😋日本宇治抹茶配烤麻糬窩芙香雪糕$98造型好靚😍有成塊烤麻糬，窩芙熱辣辣超脆，配埋士多啤梨味雪糕同cream 一齊食好正！士多啤梨烏龍泡沫咖啡$52超好飲！係咖啡加左烏龍茶底，杯底有新鮮士多啤梨汁，面頭有層泡沫，層次好豐富😋口感順滑。洛神花冰極熊西柚白桃梳打$52超可愛熊bear bear 冰🐻 😍酸酸甜甜，清新解渴。總括來說，餐廳裝修小清新，韓風打卡一流。食物味道同造型都幾花心思。餐廳出面仲好近海邊，食完飯可以去海邊散散步。