グリル滿天星

Open Now

Now Closed

好多日本過江龍餐廳進駐了香港，之前試左幾間，今次就黎左海港城呢間人氣蛋包飯店試食。蛋包飯當然就係呢間餐廳嘅賣點。週末過到黎，人龍滿滿的，等左成個鐘先有得食。餐廳裝修來簡潔，坐位感覺坐得舒服，一黎就掃QR Code睇下有乜好食。我當然揀佢地嘅主打蛋包飯，試左個日式咖喱吉列豬扒蛋包飯。軟滑流心蛋，又嫩又滑，外皮炸到酥脆嘅豬扒，內裏包著肉汁滿滿嘅肥美豬扒，配上經典香濃日式咖喱汁，再加上香氣十足嘅炒飯底，味道好，質量並重，非常抵讚! 朋友唔想食咁飽，所以揀左個日式拿玻里意粉，番茄醬汁茄味香濃，配上香腸、青椒等配料，加上偏軟口感嘅意粉，有種日西式混合嘅感覺，朋友都感覺呢個意粉幾唔錯啵。整體幾唔錯，又係食得好豐足嘅一餐。